ہاتھ سے تحریر کردہ قرآنِ پاک کا سب سے بڑا نسخہ

فیصل آباد سے تعلق رکھنے والے خطاط امتیاز حیدر نورانی نے اردو ترجمے کے ساتھ ہاتھ سے قرآن مجید تحریر کیا ہے۔4 سو25 دنوں میں تحریر کیا گیا یہ منفرد نسخہ دنیا کا سب سے طویل قرآن پاک ہے۔

وی نیوز سے گفتگو کرتے ہوئے امتیاز حیدر نے بتایا کہ کہ اس کے ایک صفحے کی لمبائی 41 فٹ،چوڑائی 53 انچ ہے اورپورےقرآن مجید کا نسخہ 31 صفحات پر مشتمل ہے۔ ان کے بقول کسی بھی زبان میں ترجمے کے ساتھ یہ دنیا میں قرآن مجید کا سب سے طویل نسخہ ہے۔

امتیاز حیدر کے مطابق اب وہ احادیث کی ہاتھ سے لکھی ہوئی دنیا کی سب سے بڑی کتاب  پر کام کر رہے ہیں اور جلدہی وہ اسے تحریر کر کے دنیا کے سامنے پیش کریں گے۔

امتیاز حیدر نے قرآن مجید لکھنے کا آغاز کب کیا تھا اور ان کے اب تک کے اس سفر میں کون کون ساتھ دیتا رہا ہے؟ بتا رہے ہیں فیصل آباد سے نعیم احمد اپنی ویڈیو رپورٹ میں