اسلامی جمہوریہ ایران نے خیبر پختونخوا کے ضلع باجوڑ میں جمعیت علمائے اسلام کے ورکرز کنونشن میں بم دھماکے کی شدید مذمت کرتے ہوئے حکومت پاکستان اور متاثرہ خاندانوں سے انتہائی افسوس اور دکھ کا اظہار کیا ہے۔
اسلامی جمہوریہ ایران کی وزارت خارجہ کے ترجمان ناصر کنعانی نے ایک بیان جاری کرتے ہوئے کہا ہے کہ حکومت ایران پاکستان کے صوبہ خیبر پختونخوا کے علاقے باجوڑ میں ہونے والے دہشت گردانہ دھماکے کی شدید مذمت کرتی ہے۔
ناصر کنانی کا کہنا ہے کہ جمعیت علمائے اسلام کے ورکرز کنونشن میں دہشت گردوں نے انسانیت سوز جرم کا ارتکاب کیا۔ ایران متاثرین کے اہل خانہ کے ساتھ اظہار یکجہتی کرتا ہے اور اس مشکل گھڑی میں پاکستان کی حکومت اور عوام کے ساتھ کھڑا ہے۔
