بھارت کی ریاست مہاراشٹر میں زیرتعمیر پل پر کرین گرنے سے 17 افراد موقع پر ہلاک ہوگئے جبکہ 5 زخمی افراد اسپتال میں زیر علاج ہیں۔
بھارتی میڈیا کے مطابق ریاست مہاراشٹر کے شہر تھانے میں زیر تعمیر پل کے لیے لوہے کا ڈھانچہ لے جانے والی کرین اچانک پل پر گر گئی جس کے نتیجے میں حادثہ پیش آیا۔
بھارتی حکام کے مطابق کرین کے ملبے کے نیچے دبے مزید 5 افراد کو نکالنے کے لیے ریسکیو آپریشن جاری ہے۔ تاہم تحقیقات جاری ہیں کہ کرین کس وجہ سے گری ہے۔
مزید پڑھیں
حکام کا کہنا ہے کہ ابتدائی رپورٹ میں یہی بات سامنے آئی ہے کہ کرین تکنیکی خرابی کے باعث آپریٹر کے کنٹرول سے باہر ہوگئی تھی جس کے بعد بے قابو ہو کر پل پر آگری۔
تاہم امدادی ٹیمیں جائے وقوعہ پر پہنچ چکی ہیں، جہاں ملبہ اٹھانے اور دیگر امدادی سرگرمیوں کا سلسلہ جاری ہے۔
