آئی سی سی ویمنز ٹی 20 ورلڈ کپ کے دلچسپ مقابلے جنوبی افریقہ میں جاری ہیں۔ پاکستانی ٹیم اپنی مہم کا آغاز آج روایتی حریف بھارت کے خلاف میچ سے کرے گی ۔ میچ پاکستانی وقت کے مطابق شام چھ بجے کھیلا جائے گا ۔
آج ہی دوسرا میچ بنگلہ دیش اور سری لنکا کے درمیان کھیلا جائے گا ۔ سری لنکا کی ٹیم ٹورنامنٹ کے افتتاحی میچ میں میزبان جنوبی افریقہ کو شکست دے چکی ہے۔
گرین شرٹس پہلا میچ روایتی حریف بھارت کے خلاف نیو لینڈز، کیپ ٹاؤن میں کھیلے گی۔ پاکستانی ٹیم بسمہ معروف کی قیادت میں میدان میں اترے گی جبکہ بھارت کو ہرمن پریت کو لیڈ کریں گی۔
واضح رہے کے پاکستانی ٹیم اپنا دوسرا گروپ میچ 15 فروری کو آئرلینڈ، تیسرا میچ 19 فروری کو ویسٹ انڈیز اور چوتھا میچ 21 فروری کو انگلینڈ کے خلاف کھیلے گی ۔
