پاکستان تحریک انصاف نے پارٹی ڈسپلن کی خلاف ورزی پر مزید 8 ارکان اسمبلی سندھ کو پارٹی سے نکال دیا ہے۔
پی ٹی آئی سندھ کی جانب سے جاری اعلامیے میں کہا گیا ہے کہ پاکستان تحریک انصاف نے پارٹی ڈسپلن کی خلاف ورزی کرنے اور سندھ اسمبلی میں اپوزیشن لیڈر کو ووٹ ڈالنے پر بلال احمد، کریم بخش گبول، محمد علی عزیز، عمراماڑی، رابعہ اظفرنظامی، سچانندلکھوانی سچل، سید عمران علی شاہ، سنجے گنگوانی کی بھی بنیادی رکنیت ختم کرکے پارٹی سے نکال دیا گیا ہے۔
ارکان کو پارٹی پالیسی کی خلاف ورزی اور سندھ اسمبلی میں اپوزیشن لیڈر کو ووٹ دینے پر شوکاز نوٹس جاری کیا گیا تھا۔ مقرر مدت کے اندر نوٹس کا تسلی بخش جواب موصول نہ ہونے کی صورت میں ارکان کی بنیادی رکنیت ختم کی گئی ہے۔
مزید پڑھیں
سیکریٹری جنرل تحریک انصاف عمر ایوب کے دستخط سے برطرفی کے نوٹسز جاری کیے گئے ہیں جس میں برطرف رہنماؤں کو کسی بھی طرح سے پارٹی کا نام اور عہدہ استعمال کرنے سے گریز کرنے کی ہدایت بھی کی گئی ہے۔
