کراچی میں ناردرن بائی پاس ایم ڈی کٹ کے قریب ٹریفک حادثہ میں 4 افراد ہلاک جبکہ ایک خاتون اور 2 بچوں سمیت 16 افراد زخمی ہو گئے ہیں، جاں بحق و زخمی ہونے والوں کو چھیپا ایمبولینس کے ذریعے عباسی شہید ہسپتال منتقل کر دیا گیا ہے۔
چھیپا ذرائع کے مطابق ناردرن بائی پاس پر ایم ڈی کٹ کے قریب ٹرک اور کوسٹر میں تصادم ہوا، کوسٹر میں سوار افراد پکنک منانے کے لیے جا رہے تھے کہ حادثہ پیش آگیا۔
مزید پڑھیں
چھیپا ذرائع کے مطابق جاں بحق اور زخمی ہونے والوں کی شناخت تاحال نہیں ہوسکی ہے، تاہم تمام افراد کو عباسی شہید ہسپتال منتقل کر دیا گیا ہے۔
پولیس کے مطابق واقعہ کی تحقیقات کی جارہی ہیں، جلد شناخت کا عمل مکمل کر دیا جائے گا۔
