پاکستان کرکٹ ٹیم کے کپتان بابر اعظم نے لنکن پریمیئر لیگ کے میچ میں سنچری کر کے گراؤنڈ میں سجدہ شکر بجا لایا تو یہ ایک ایسے مقابلے کا اختتام تھا جس میں انہوں نے متعدد اعزازات اپنے نام کیے۔
57 گیندوں پر سنچری اننگز کھیلنے والے بابر اعظم نے لنکن پریمیئر لیگ میں پہلی جب کہ ٹی 20 میں اپنی 10ویں سنچری اسکور کی۔
بابر اعظم نے 59 گیندیں کھیل کر 104 رنز بنائے جس میں 8 چوکے اور 5 چھکے بھی شامل تھے۔ ان کا اسٹرائک ریٹ 176.27 رہا۔
Match winning Knock By King Babar, King scored his 10th T20 💯❤️ #BabarAzam𓃵 #LPL2023 pic.twitter.com/EIuyFAyT6l
— Khalid Ahmad (@Khalid_Kazi123) August 7, 2023
ایل پی ایل کے چار میچز میں دوسری مرتبہ مین آف دی میچ ٹھہرائے گئے بابراعظم اب تک ٹی20 کرکٹ میں 21 مرتبہ پلیئر آف دی میچ کا اعزاز اپنے نام کر چکے ہیں۔
میچ کے دوران بابر اعظم ٹیم کے ڈگ میں واپس لوٹے تو ان کی ٹیم کے ساتھ ساتھ مخالف ٹیم کے کھلاڑی بھی بابر اعظم کو سراہتے رہے۔ کیمرے نے یہ مناظر محفوظ کیے تو شائقین سے خوب داد سمیٹی۔
https://twitter.com/rixzz777/status/1688534756341043201
سنچری اننگز کھیلنے والے بابر اعظم کو پلیئر آف دی میچ قرار دیا گیا۔ اسٹرائکر آف دی میچ رہے اور ٹورنامنٹ میں سب سے زیادہ اسکور کرنے پر گرین کیپ بھی دی گئی۔
Player of the Match
– Striker of the Match
– Green Cap for the most runs in the tournamentBabar Azam is taking away all the awards today ❤️#BabarAzam𓃵 | #LPLT20 pic.twitter.com/B20yPmnSrC
— Ehtisham Siddique (@iMShami_) August 7, 2023
انڈیا کے بہاری اسپورٹس جرنلسٹ اویناش آریان نے بابراعظم کی اننگز کا کرکٹ فیلڈ سے باہر سامنے آنے والا نتیجہ تو بتایا تو لکھا کہ ’میرا سنڈے خراب گیا تھا مگر آج منڈے اچھا گیا۔ بابر کو بیٹنگ کرتے دیکھنا سکون ہے۔‘
Mera Sunday kharab jarur gaya tha. But Aaj Monday acha gaya. Babar ko batting krte dekhna SUKOON hai.
Thank You #BabarAzam𓃵 Love You KING😍
— Avinash Aryan (@avinasharyan09) August 7, 2023
بابر اعظم اس وقت ایک اور منفرد اعزاز کے بھی مالک ہیں۔ انہوں نے ٹی 20 کرکٹ میں سب سے زیادہ 28 مرتبہ 100 رنز کی شراکت داری قائم کی ہے۔
اس فہرست میں دوسرا کھلاڑی پاکستانی بیٹر محمد رضوان جو اب تک 26 مرتبہ یہ کارنامہ سرانجام دے چکے ہیں۔
کولمبو اسٹرائکس کی ٹیم کی نمائندگی کرتے ہوئے بابراعظم نے ایل پی ایل میں اپنا چوتھا میچ کھیلا ہے۔ حالیہ سنچری سے قبل ٹورنامنٹ میں ان کا سب سے زیادہ اسکور 59 تھا۔
بابر اعظم کی سنچری کی بدولت کولمبو اسٹرائکس نےگیل کے مقابلے میں 7 وکٹوں سے کامیابی حاصل کی ہے۔
