پاکستان سپر لیگ کا آٹھواں سیزن آج سے شروع ہو رہا ہے۔ افتتاحی میچ میں دفاعی چیمپئن لاہور قلندرز اور ملتان سلطانز مد مقابل ہوں گے۔ میچ سے پہلے ملتان اسٹیڈیم میں رنگا رنگ افتتاحی تقریب بھی منعقد ہو گی۔
میڈیا رپورٹس کے مطابق پاکستان سپر لیگ کی سکیورٹی کی ذمہ داری فوج اور رینجرز کے حوالے ہوگی۔ وفاقی کابینہ نے وزارت داخلہ کی سمری کی سرکولیشن کے ذریعے منظوری دی۔
صوبہ پنجاب، سندھ حکومت اور اسلام آباد انتظامیہ نے فوج اور رینجرز کی تعیناتی کے لیے وزارت داخلہ کو درخواست کی تھی۔
پاکستان کرکٹ بورڈ نے سکیورٹی کے لیے وزیر داخلہ کو خط بھی لکھا تھا۔ حکام کا کہنا ہے پی ایس ایل سیزن 8 کے میچز 13 فروری سے 19 مارچ تک شیڈول ہیں۔
پاکستان سپر لیگ میچز لاہور، ملتان، کراچی اور راولپنڈی میں کھیلے جائیں گے ۔