’بابر اعظم مجھے پسند ہیں، میں ان سے شادی کرنا چاہتا ہوں‘

سری لنکا میں جاری لنکا پریمیئر لیگ کے دوران بہترین کارکردگی پرسابق چیئرمین پی سی بی رمیز راجا نے کمنٹری کرتے ہوئے بابراعظم کی تعریفوں کے پل باندھ دیے اور بے ساختہ بول پڑے کہ بابراعظم مجھے بے حد پسند ہیں، میں ان سے شادی کرنا چاہتا ہوں۔

سابق کپتان قومی کرکٹ ٹیم رمیز راجا نے لنکا پریمیئر لیگ کے دوران بابر اعظم کی کارکردگی کو خوب سراہا اور کہاکہ وہ لڑکا جو بیٹنگ کر رہا ہے اس کی کیا ہی کلاس ہے اور الگ ہی معیار ہے جو ہر قسم کی اننگز میں دیر تک بیٹنگ کرسکتا ہے۔

Ramiz is so obsessed with Babar that he wants to marry him😂.#RamizRaja #BabarAzam𓃵 #BabarAzam https://t.co/vVXcePER53

— Mariya Rajput (@mariya_raj10) August 7, 2023

رمیز راجا کا تعریف کرنے کا یہ منفرد انداز شائقین کرکٹ کو خوب پسند آیا اور انہوں نے سوشل میڈیا پرویڈیو کلپ شیئر کرتے ہوئے رمیز راجا کے منفرد اسٹائل پر خوب تبصرے کیے۔

https://twitter.com/SharyOfficial/status/1688618930418450434

واضح رہے سابق کرکٹر رمیز راجا اپنے منفرد کمنٹری اسٹائل کی بدولت دنیا بھر میں مشہور ہیں، تاہم چیئرمین پی سی بی بننے کے بعد وہ کمنٹری باکس سے دور ہو چکے تھے لیکن چیئرمین شپ ختم ہوتے ہی وہ دوبارہ کمنٹری باکس میں واپس آچکے ہیں۔

یاد رہے سری لنکا میں جاری لنکا پریمیئر لیگ میں بابر اعظم نے شاندار سینچری اسکور کی، گال ٹائٹنز کی جانب سے 189 رنز کا ہدف دیا گیا، جواب میں بابر اعظم نے بیٹنگ کرتے ہوئے 8 چوکوں اور 5 چھکوں کی مدد سے 59 بالوں پر 104 رنز جڑ دیے۔

اس طرح کولمبو ٹائیگرز نے بابراعظم کی شاندار سینچری کے ساتھ گال ٹائٹنز کو شکست دے دی۔

یہ بھی واضح رہے کہ بابر اعظم کرکٹ کی تاریخ میں ٹی 20 میں 10 سینچریاں مکمل کرنے والے دوسرے کھلاڑی بن چکے ہیں۔