انٹرنیشنل کرکٹ کونسل (آئی سی سی) نے اعلان کیا ہے کہ آئی سی سی مینز کرکٹ ورلڈ کپ 2023 کے ٹکٹ 25 اگست 2023 سے فروخت کے لیے دستیاب ہوں گے۔
ٹکٹوں کی فروخت سے پہلے شائقین کو 15 اگست سے درج ذیل لنک کے ذریعے اپنی دلچسپی کا اندراج کرنے کا موقع ملے گا۔
https://www.cricketworldcup.com/register
مذکورہ لنک کے ذریعے ہی شائقین پہلے ٹکٹس کے بارے میں اطلاع وصول کر سکیں گے جس سے انہیں ورلڈ کپ میں اپنی نشست محفوظ بنانے میں مدد مل سکے گی۔
اس بار ایک اہم تبدیلی یہ کی گئی ہے کہ ای ٹکٹ کا کوئی آپشن نہیں ہوگا۔ شائقین باکس آفس کاؤنٹرز سے ہی اپنے بک کرائے گئے ٹکٹس خرید سکیں گے۔
ٹکٹس درج ذیل تاریخوں پر مرحلہ وار فروخت ہوں گی
25 اگست: غیر بھارتی وارم اپ میچز اور تمام غیر بھارتی ایونٹ کے میچز
30 اگست: گوہاٹی اور ترویندرم میں بھارت کے میچ
31 اگست: چنئی، دہلی اور پونے میں بھارت کے میچ
1 ستمبر: دھرم شالہ، لکھنؤ اور ممبئی میں بھارت کے میچ
2 ستمبر: بنگلورو اور کولکتہ میں بھارت کے میچ
3 ستمبر: احمد آباد میں بھارت کے میچ
15 ستمبر: سیمی فائنل اور فائنل
Mark your calendars 🗓
The dates for the sale of #CWC23 tickets are out 🤩
Don't forget to check out the updated schedule 👉 https://t.co/vS2aYD0zTk pic.twitter.com/BiZHm6vjLo
— ICC (@ICC) August 10, 2023
آئی سی سی کے ہیڈ آف ایونٹس کرس ٹیٹلی نے کہا ہے کہ ہم کرکٹ کے تمام شائقین سے اپیل کرتے ہیں کہ وہ اگلے ہفتے سے اپنی دلچسپی کا اندراج کریں تاکہ یہ یقینی بنایا جا سکے کہ آپ ٹکٹس حاصل کرنے والے پہلے لوگوں میں سے ایک ہیں اور کرکٹ کے سب سے بڑے ورلڈ کپ کا حصہ بن سکتے ہیں۔ آئی سی سی نے کرکٹ ایونٹ کے میچ کا اپ ڈیٹ شیڈول بھی جاری کر دیا ہے۔
ورلڈ کپ 2023 کے شیڈول میں تبدیلی کی تصدیق
10 اکتوبر: انگلینڈ بمقابلہ بنگلہ دیش، دھرم شالہ
10 اکتوبر: پاکستان بمقابلہ سری لنکا، حیدرآباد
12 اکتوبر: آسٹریلیا بمقابلہ جنوبی افریقہ، لکھنؤ
13 اکتوبر: نیوزی لینڈ بمقابلہ بنگلہ دیش، چنئی
14 اکتوبر: بھارت بمقابلہ پاکستان، احمد آباد
15 اکتوبر: انگلینڈ بمقابلہ افغانستان، دہلی
11 نومبر: آسٹریلیا بمقابلہ بنگلہ دیش، پونے
11 نومبر: انگلینڈ بمقابلہ پاکستان، کولکتہ
12 نومبر: ہندوستان بمقابلہ نیدرلینڈ، بنگلورو
