قطر ایئر ویز کی طرف سے جشن آزادی کی خوشی میں پاکستانیوں کے لیے زبردست رعایت

قطر ایئر ویز نے یوم آزادی پاکستان کے موقع پر کرایوں میں 10 فیصد رعایت کا اعلان کیا ہے۔ 7 اگست سے 31 دسمبر 2023 تک سفر کی مدت کے لیے رعایت سے فائدہ اٹھانے کے لیے 14 اگست 2023 تک اپنی پروازیں بک کر سکتے ہیں۔

قطر ایئر ویز کی پیشکش کا اطلاق صرف پاکستان سے یورپ اور امریکا جانے والی پروازوں کے بنیادی کرایوں پر ہوگا۔ پاکستان کے 6 بڑے شہروں سے دنیا کے 160 معروف مقامات پر جانے کے لیے ٹکٹس بک کرائے جا سکتے ہیں۔

ون وے اور ریٹرن فلائٹس دونوں ہی اس خصوصی پیشکش میں شامل ہیں۔ واضح رہے کہ یہ رعایت ٹیکسوں اور سرچارجز پر لاگو نہیں ہے۔

قطر ایئر ویز کا کہنا ہے کہ رعایت سے فائدہ اٹھانے کے لیے قطر ایئرویز کے ساتھ دنیا بھر کے دلکش مناظر میں اپنے سفر کا آغاز کریں، جس سے آپ کی تعطیلات بہترین بن جائیں گی۔

31 دسمبر 2023 تک سفر کے لیے qatarairways.com پر یا موبائل ایپ کے ذریعے 14 اگست 2023 تک بکنگ کی جا سکتی ہے۔

ٹکٹس فروخت کی مدت: 7 اگست 2023 سے 14 اگست 2023
سفر کی مدت: 7 اگست 2023 سے 31 دسمبر 2023