آرچ بشپ ڈاکٹر جوزف ارشد نے کہاکہ حکومت پاکستان جڑانوالہ واقعہ کی مکمل تحقیقات کرے اور اس میں ملوث تمام افراد کو کیفر کردار تک پہنچائے تاکہ آئندہ کسی کو بھی اس طرح کے حالات پیدا کرنے کی جرات نہ ہو سکے۔
اسلام آباد میں پریس کانفرنس کرتے ہوئے آرچ بشپ ڈاکٹر جوزف نے کہاکہ چند شرپسند عناصر توہین مذہب کے نام پر ملکی حالات خراب کر رہے ہیں جس سے بیرونی دنیا میں پاکستان کی بدنامی ہو رہی ہے۔
مزید پڑھیں
انہوں نے کہاکہ سابق چیف جسٹس تصدق جیلانی کے اقلیتوں کے حقوق سے متعلق 2014ء کے فیصلے پر عملدرآمد کیا جائے۔
اس موقع پربشپ ہیمفری سرفرازکا کہنا تھا کہ ہمارا معاشرہ پستی کی طرف گامزن ہے. مذہبی رواداری کو فروغ دینے کی شدید ضرورت ہے، ان واقعات کے ذمہ داروں کو کیفر کردار تک پہنچایاجائے۔