پاکستان تحریک انصاف کے رہنما عمر سرفراز چیمہ کی ایک تصویر پیر کو سوشل میڈیا پر آئی اور دیکھتے ہی دیکھتے ہر قابل ذکر ٹائم لائن پر نمایاں ہو گئی۔
مرکز میں تحریک انصاف کی حکومت مشکلات کا شکار ہوئی اور پنجاب سے چوہدری سرور گورنر شپ سے الگ ہوئے تو عمران خان نے صوبہ عمر سرفراز چیمہ کے حوالے کیا۔
تحریک انصاف کے اقتدار میں آنے سے قبل پارٹی کے نمایاں رہنماؤں میں شامل عمر سرفراز چیمہ اپنی جماعت کے حکومت میں آنے کے بعد مرکز اور صوبے دونوں میں پس منظر میں رہے تھے۔
پیر کو عمر سرفراز چیمہ کی تصویر شیئر کرنے والوں نے جہاں ’عمران خان سے ان کی وفاداری کی تعریف کی‘ وہیں بہت سے ہینڈلز ایسے افراد کو نظرا نداز کرنا سابق وزیراعظم کی غلط حکمت عملی قرار دیتے رہے۔
’یہ تصویر نہیں، عمران خان کے غلط فیصلے کا ثبوت ہے،‘ کا تبصرہ ہوا تو ’ٓارب پتیوں اور وفاداریاں بدلنے والوں کی خاطر سائیڈلائن کیے گئے عمر سرفراز چیمہ‘ کا کیپشن بھی سجایا گیا۔
Omar Sarfraz Cheema who was sidelined by imran khan in favour of billionaires and turncoats but always stood by PTI pic.twitter.com/V79UvJ6m3t
— Murtaza Ali Shah (@MurtazaViews) August 21, 2023
عدالت میں پیشی کے دوران بنائی گئی تصویر میں عمر سرفراز چیمہ، میاں محمود الرشید اور ڈاکٹر یاسمین راشد کو دکھاتے ہوئے لکھا گیا کہ ’ہم نے بےانتہا وفا کر کے، بےوفاؤں سے انتقام لیا۔
ڈھونڈ اجڑے ہوئے لوگوں میں وفا کے موتی
یہ خزانے تجھے ممکن ہے خرابوں میں ملیں(احمد فراز) pic.twitter.com/FSzi83IV9I
— Rizwan Ghilzai (Student of Arshad Sharif) (@RizwanGhilzai) August 21, 2023
’ڈھونڈ اجڑے ہوئے لوگوں میں وفا کے موتی‘ تجویز ہوئے تو ’ایڈی اوکھی راہ وچ رول دیتا اے‘ کا شکوہ بھی ہوا۔
پاکستانی صحافی بشیر چوہدری نے ماضی وحال کا تقابل کرتے ہوئے اسے عمران خان کی غلط مردم شناسی قرار دیا۔
انہوں نے لکھا کہ ’چار سال عمران خان نے عمر چیمہ کو کھڈے لائن لگائے رکھا۔ چاپلوسوں کو اقتدار کے ہر عہدے کا مزہ لوٹنے کا موقع دیا۔ مشکل پڑی تو اچانک انھیں گورنر بنا دیا۔ عمر سرفراز چیمہ نے سیاسی کارکنان کا سرفخر سے بلند کردیا۔ ساتھ ہی عمران خان کی مردم شناسی کو بھی چپیڑیں لگا دی ہیں۔ ۔‘
چار سال عمران خان نے عمر چیمہ کو کھڈے لائن لگائے رکھا۔ چاپلوسوں کو اقتدار کے ہر عہدے کا مزہ لوٹنے کا موقع دیا۔ مشکل پڑی تو اچانک انھیں گورنر بنا دیا۔ عمر سرفراز چیمہ نے سیاسی کارکنان کا سرفخر سے بلند کردیا۔ ساتھ ہی عمران خان کی مردم شناسی کو بھی چپیڑیں لگا دی ہیں۔
Just feel it. pic.twitter.com/WdzNPYL20x
— Bashir Chaudhary (@Bashirchaudhry) August 21, 2023
خاتون صحافی مریم نواز خان نے اظہار کے لیے مصرعہ چنا تو مشوہ دیا کہ ’جو بچے ہیں سنگ سمیٹ لو۔‘
جو بچے ہیں سنگ سمیٹ لو https://t.co/4IQIkqAuhO
— Maryam Nawaz Khan (@maryamnawazkhan) August 21, 2023
سر پر ٹوپی اور چہرے پر ڈاڑھی سجائے پی ٹی آئی رہنما کی تصویر شیئر کرنے والوں نے لکھا ’یہ وہ عمر چیمہ ہیں جو عمران خان کی حکومت بننے کے بعد سائیڈ لائن کردیے گئے تھے اور جب عمران خان پر مشکل وقت آیا تو ایک وفا کا استعارہ بن گئے ہیں۔‘
