مختلف گانوں اور منفرد انداز کی وجہ سے بہت سوں کی دلچسپی کا خاص مرکز رہنے والے چاہت فتح علی خان ’بم بم‘ کرتے ’لوٹے‘ تھامے سامنے آئے تو میمز کی دنیا کو نئی تازگی دے گئے۔
سیاستدام، صحافی، تاجر، زمیندار، ملازمین سمیت ہر ایک کو لوٹے سے جوڑ دینے والے چاہت فتح خان کے حالیہ گانے میں ان کا انداز ہی نہیں لباس بھی خصوصی توجہ کا مرکز رہے۔
Lota Lota Bum Bum by
Chahat Fateh Ali Khan
( released ) pic.twitter.com/f7mFvYG3z3— Chahat Fateh Ali Khan (@chahat_fateh) August 21, 2023
گانے پر تبصرہ کرنے والے کہیں ’ہاتھ میں پکڑا لوٹا برطانیہ میں ڈھونڈنے‘ کا پتہ پوچھتے تو کہیں میزوک، لیرکس اور ڈائریکشن کی تعریف کرتے رہے۔
ریحان جٹ کو گانا ’کڈنی ٹچنگ‘ لگا تو تحریک انصاف کے حامیوں نے پارٹی چھوڑنے والے افراد کی تصویریں لگا کر گانے کا ایڈیٹڈ ورژن بھی جاری کیا۔
چند روز قبل اپنی ایک گفتگو میں نصرف فتح علی خان کی قوالی سے گائیکی کی پریکٹس شروع کرنے کا اقرار کرنے والے چاہت فتح علی کا کہنا تھا کہ وہ گزشتہ چند مہینوں میں ہزاروں محفلوں میں پرفارم کرنے کی کوٹیشنز دے چکے ہیں۔
چاہت فتح علی کا کہنا ہے کہ اب تک فیس بک، ٹوئٹر، ٹک ٹاکا، انسٹاگرام اور یوٹیوب پر مجموعی طور پر ایک ہزار سے زائد لائیو شوز کر چکے ہیں۔
یہ اگست کے مہینے میں دوسری مرتبہ ہے جب چاہت فتح علی خان کی جانب سے نیا گانا ریلیز کیا گیا ہے۔
اس سے قبل وہ اگست کے شروع میں’بول کفارہ بول کفارہ‘ گانا بھی ریلیز کر چکے ہیں۔
Aslaam O Alikum G
Bol Kaffara Bol Kaffara
( released ) pic.twitter.com/0Lmc5yg8Lp— Chahat Fateh Ali Khan (@chahat_fateh) August 8, 2023
اس دوران انہوں نے جہاں پاکستانی ٹی وی چینلز سے گفتگو کی، دوستوں کے ساتھ ناشتہ کی محفل میں آبدیدہ ہوئے وہیں برمنگھم میں ایک لائیو پرفارمنس بھی دی۔
