اسلام آباد میں گھریلو تشدد کا شکار کمسن ملازمہ کے کیس میں مرکزی ملزمہ سومیہ عاصم کے شوہر سول جج عاصم حفیظ 5 بار طلبی کے باوجود جوائنٹ انویسٹی گیشن ٹیم (جے آئی ٹی) کے سامنے پیش نہ ہوئے۔
مزید پڑھیں
ذرائع کا کہنا ہے کہ جج عاصم حفیظ تاحال جے آئی ٹی کے سامنے پیش نہیں ہوئے، جوائنٹ انویسٹی گیشن ٹیم سول جج عاصم حفیظ کو 5 بار طلب کر چکی ہے۔
ذرائع کے مطابق جج عاصم حفیظ کا کہنا ہے کہ جب تک ہائیکورٹ کا تحریری حکم نہیں ملتا تب تک وہ جے آئی ٹی کے سامنے پیش نہیں ہوں گے۔
یاد رہے کہ گھریلو تشدد کا شکار ملازمہ رضوانہ تقریباً ایک ماہ سے لاہور کے جنرل اسپتال میں زیر علاج ہے، جہاں اس کے چہرے کی ایک سرجری کی جا چکی ہے۔
