صدر مملکت ڈاکٹر عارف علوی نے چیف الیکشن کمشنر سکندر سلطان راجہ کو خط ارسال کیا ہے جس میں صدر مملکت نے جنرل الیکشن کی تاریخ کا فیصلہ کرنے ک لیے چیف الیکشن کمشنر کو آج یا کل مُلاقات کی دعوت دی ہے۔
خط کے متن کے مطابق صدر مملکت نے 09.08.2023 کو وزیر اعظم کے مشورے پر قومی اسمبلی تحلیل کی۔
صدر مملکت آئین کے آرٹیکل 48 (5) کے تحت اسمبلی کے عام انتخابات کے انعقاد کے لیے تحلیل کی تاریخ کے 90 روز میں تاریخ مقرر کرنے کے پابند ہیں۔
خط میں کہا گیا ہے کہ چیف الیکشن کمشنر کو آج یا کل صدر کے ساتھ ملاقات کے لیے مدعو کیا جاتا ہے تاکہ مناسب تاریخ طے کی جا سکے۔
