حلقہ بندیوں اور انتخابی فہرستوں کی تجدید ایک ساتھ مکمل کی جائے گی، الیکشن کمیشن

الیکشن کمیشن نے کہا ہے کہ کمیشن نے حلقہ بندیوں اور انتخابی فہرستوں کی تجدید (UPDATION) کے کام کا آغاز کردیا ہے اور یہ دونوں کام ساتھ ساتھ مکمل کیے جائیں گے۔

ترجمان الیکشن کمیشن نے اپنے جاری اعلامیے میں کہا ہے کہ میڈیا کے چند حلقوں میں کہا جا رہا ہے کہ الیکشن کمیشن حلقہ بندیوں کی حتمی اشاعت کے بعد انتخابی فہرستوں کی تجدید کرے گا اور اس کے بعد انتخابات کے شیڈول کا اعلان اور انعقاد ممکن ہوگا، یہ خبر درست نہیں ہے۔

ترجمان کا کہنا تھا الیکشن کمیشن اس کی وضاحت کرنا چاہتا ہے کہ کمیشن نے حلقہ بندیوں اور انتخابی فہرستوں کی تجدید (UPDATION) کے کام کا آغاز کر دیا ہے اور یہ دونوں کام ساتھ ساتھ مکمل کیے جائیں گے۔