سیکیورٹی اداروں نے حکومت کے سینیئر سرکاری عہدیداروں کے موبائل فون ہیک کرنے اور حساس معلومات کے حصول کی کوشش بے نقاب کی ہے۔
وزیر اعظم آفس سے جاری ایک اعلامیہ کے مطابق اس مذموم مقصد میں ملوث عناصر نے سینئر سرکاری عہدیداروں کے نام پر سرکاری افسروں اور بیوروکریسی سے حساس معلومات کے حصول کی کوشش کی ہے، جس میں واٹس ایپ پر موبائل ہیکنگ لنک بھیج کر معلومات حاصل کرنے کی واردات بھی شامل ہے۔
’حکومت کی تمام سرکاری افسران کو چوکنا رہنے اور ایسے کسی بھی میسیج کا جواب نہ دینے کی ہدایت کرتے ہوئے افسران کو ہدایت کی ہے کہ ایسا موبائل پیغام موصول ہونے پر فوری طور پر کابینہ ڈویژن کو اطلاع دی جائے. پاکستان کے سیکیورٹی ادارے اس معاملے میں پوری طرح الرٹ ہیں.‘
