لاہور کی انسداد دہشت گردی عدالت نے جناح ہاؤس حملہ اور جلاؤ گھیراؤ کے کیس میں معروف فیشن ڈیزائنر خدیجہ شاہ، عالیہ حمزہ، صنم جاوید اور دیگر کو دوبارہ شامل تفتیش کرنے کی درخواست منظور کر لی ہے۔
تفتیشی آفیسر نے لاہور کی انسداد دہشتگردی عدالت کے سامنے ملزمان سے مزید تحقیقات کے لیے درخواست دائر کی جس کی بنیاد پر فیصلہ دیا گیا۔
تفتیشی آفیسر نے موقف اختیار کیاکہ مقدمے میں بغاوت، جنگ چھیڑنے اور فسادات کی دفعات شامل کردی گئی ہیں۔
مزید پڑھیں
انسداد دہشتگردی عدالت نے خدیجہ شاہ، صنم جاوید اور دیگر کو دوبارہ شامل تفتیش کرنے کی درخواست منظور کی ہے۔
واضح رہے کہ 9 مئی کو چیئرمین پی ٹی آئی عمران خان کی القادر ٹرسٹ کرپشن کیس میں گرفتاری کے بعد کارکنوں نے ملک گیر احتجاج کیا تھا اور اس دوران ملک کی کئی اہم تنصیبات کو بھی نشانہ بنایا گیا تھا، جس کی پاداش میں تحریک انصاف کے اہم رہنماؤں سمیت کارکنوں کو گرفتار کیا گیا تھا۔ خدیجہ شاہ، عالیہ حمزہ، صنم جاوید اور دیگر بھی جلاؤ گھیراؤ کے کیس میں گرفتار ہیں۔
9 مئی کے واقعات کے بعد کئی اہم رہنما پارٹی کو خیر باد بھی کہہ چکے ہیں جن میں پرویز خٹک، فواد چوہدری، عامر محمود کیانی سمیت دیگر شریک ہیں۔
