ملک کے مختلف علاقوں میں آئندہ 24 گھنٹوں کے تیز ہواؤں اور گرج چمک کے ساتھ بارش کا امکان ہے۔
محکمہ موسمیات کے مطابق اسلام آباد، بالائی پنجاب، خیبر پختونخوا، خطۂ پوٹھوہار، گلگت بلتستان اور کشمیر میں تیز ہواؤں، آندھی اور گرج چمک کے ساتھ بارش کی توقع ہے جبکہ ملک کے دیگر علا قوں میں موسم گرم اور مرطوب رہے گا۔
ہفتہ کو خیبرپختونخوا، پنجاب، اسلام آباد، کشمیر، گلگت بلتستان اور بارکھان میں آندھی اور گرج چمک کے ساتھ بارش ہوئی۔ ملک کے دیگر علاقوں میں موسم گرم اور مرطوب رہا۔
مزید پڑھیں
ملک میں سب سے زیادہ بارش پنجاب کے شہر لاہور (لکشمی چوک 75، قرطبہ چوک 70، گلشن راوی 68، پانی والا تالاب 52، تاج پورہ 43، مغل پورہ 38، اپر مال 35، جیل روڈ 34، گلبرگ 33، نشتر ٹاؤن 31، فرخ آباد، چودہ 7، جوہر ٹاؤن 20، ایئر پورٹ 10، اقبال ٹاؤن 8، سمن آباد 5 ملی میٹر ریکارڈ کی گئی۔
اس کے علاوہ فیصل آباد 52، ملتان (ایئر پورٹ 45، سٹی 05)، گوجرانوالہ 37، اوکاڑہ 36، سرگودھا 30، قصور28، نور پور تھل 25، نارووال 21، حافظ آباد 23، ٹوبہ ٹیک سنگھ14، خانیوال 6، راولپنڈی (چکلالہ 4)، اسلام آباد (زیرو پوائنٹ)، ڈی جی خان، بھکر 2، جوہر آباد ، چکوال، منگلا، بہاولپور(سٹی)، سیالکوٹ ایک ملی میٹر ریکارڈ کی گئی۔
خیبرپختونخوا میں کالام 29، سیدو شریف 26، دیر (لوئر 22، اپر 1)، کاکول، مالم جبہ 6، پٹن 4، بنوں 2 ملی میٹر بارش ہوئی۔
اس کے علاوہ آزادکشمیر کے علاقے گڑھی دوپٹہ میں 6، مظفر آباد (سٹی ، ائیر پورٹ 3) ، راولاکوٹ ایک ملی میٹر جبکہ گلگت بلتستان میں گوپس5 ، گلگت، چلاس، بونجی ایک اوربلوچستان کے علاقے بارکھان میں 8 ملی میٹر بارش ریکارڈ کی گئی۔
ہفتہ کو ریکارڈ کیے گئے زیا دہ سے زیادہ درجہ حرارت میں دالبندین، نوکنڈی 41، دادو اور تربت میں 40 ڈگری سینٹی گریڈریکارڈ کیا گیا۔
