پولیس نے فاطمہ قتل کیس میں نامزد مرکزی ملزم اسد شاہ کے ڈرائیور کو کراچی سے گرفتار کر لیا۔
پولیس کے مطابق فاطمہ قتل کیس میں نامزد مرکزی ملزم اسد شاہ کے ڈرائیور اعجاز خاصخيلی کو کراچی سے گرفتار کر لیا گیا ہے ۔
پولیس کا کہنا ہے کہ اسد شاہ کا ڈرائیور اعجاز خاصخيلی فاطمہ قتل کے واقعہ کے بعد فرار ہو گیا تھا، اسد شاہ کے ڈرائیور اعجاز خاصخيلی سے تفتیش کی جائے گی، ڈرائیور پرملزمہ حنا شاہ کو فرار کرانے کا الزام ہے۔
حنا شاہ پر ہاتھ ہلکا رکھو ورنہ تمہاری خیر نہیں، حنا شاہ کی چچی کی فاطمہ کی والدہ کو مبینہ دھمکی
فاطمہ قتل کیس میں نامزد ملزمہ حنا شاہ کی چچی کی جانب سے فاطمہ کی والدہ کو مبینہ طور پر دھمکی دینے کا انکشاف ہوا ہے۔
خیر پور کی ایک حویلی میں تشدد سے جاں بحق ہونے والی کمسن ملازمہ فاطمہ کی والدہ نے اپنے ویڈیو بیان میں بتایا ہے کہ حنا شاہ کی چچی نے دھمکی دی ہے کہ حنا شاہ پر ہاتھ ہلکا رکھو ورنہ تمہاری خیر نہیں۔
فاطمہ کی والدہ کے مطابق حنا کی چچی نے ان سے کہا کہ اسد شاہ تک رہو اور حنا پر کوئی بات نہ کرو۔
یہ بھی پڑھیں : رانی پور: تشدد کی ماری فاطمہ درد سے تڑپتی رہتی لیکن ہم اسے پانی تک نہیں دے سکتے تھے، ساتھی ملازمہ
ان کا کہنا ہے کہ ’میں حنا شاہ کو کوئی رعایت نہیں دینے والی، اسد شاہ اور حنا شاہ کو سزا دلا کر ہی دم لوں گی۔‘
دوسری جانب پولیس نے بتایا ہے کہ پیراسد شاہ کی نشاندہی پر ڈی این اے کے لیے مزید ملازمین کے سیمپل لیے گیے ہیں، اب تک 14 افراد کے ڈی این اے سیمپل لیےجاچکے ہیں جنہیں کراچی لیبارٹری بھیجا گیا ہے۔
