پاکستان میں بجلی کے نرخوں میں متواتر اضافے کے باعث عوام کے صبر کا پیمانہ لبریز ہو گیا ہے، گزشتہ چند روز سے ملک بھر میں حکومت کے خلاف احتجاج ہو رہا ہے، ہزاروں لوگ سڑکوں پر نکل آئے، شاہراہیں بلاک کیں، بجلی کے بل جلائے، پاور کمپنیوں کے باہر دھرنے دیے اور مبینہ طور پر خود کشی کے واقعات بھی سامنے آئے۔ شدید مظاہروں کے پیشِ نظر آئیسکو کے دفاتر کی سیکیورٹی بھی بڑھا دی گئی تھی۔
مظاہرین کی احتجاج اور بل جلانے کی متعدد ویڈیوز بھی سامنے آئیں، شہریوں نے بجلی محکمے کے عملے کو بھی تشدد کا نشانہ بنانا شروع کر دیا ہے۔ احتجاج کے بعد عوام تشدد کا راستہ بھی اختیار کرنے لگے ہیں۔
ایسی ہی ایک ویڈیو سماجی رابطوں کی سائیٹ ’ایکس‘ پر وائرل ہوئی جس میں دیکھا جا سکتا ہے کہ بل جمع نہ کرانے پر واپڈا اہلکار بجلی کنیکشن کاٹنے کے لیے جاتے ہیں تو اسلحہ لیے بیٹھے افراد ان کا راستہ روکتے ہیں، چھت پر بیٹھے بندوق تھامے افراد کو دیکھ کر واپڈا اہلکار کنیکشن کاٹنے کا ارادہ ملتوی کر دیتا ہے اور شہریوں کو قانون پر عملدرآمد کرنے کا کہتا ہے۔
واپڈا اہلکار جب بجلی کنکشن کاٹنے کیلئے آئے تو چھت پر بیٹھے بندوق تھامے شہری کو دیکھ کر ارادہ بدل لیا اور قانون پر عمل داری کا بھاشن دینا شروع کردیا pic.twitter.com/3SoDIs6TRF
— Muhammad Faheem (@MeFaheem) August 29, 2023
ویڈیو میں موجود شخص کہتا ہے کہ ہم قانون کی پاسداری کرتے ہوئے یہاں آئے ہیں، ہمیں جو کہا جاتا ہے ہم وہی کرتے ہیں، ہم یہاں لڑائی جھگڑا کرنے نہیں آئے ہمیں اس سسٹم کے مطابق رہنا ہے۔
ویڈیو وائرل ہوئی تو صارفین نے اس پر مختلف تبصرے کیے۔ کسی نے کہا کہ ملک تیزی سے خانہ جنگی کی طرف جا رہا تو کوئی پٹھانوں کی بہادری کی تعریف کرتا نظر آیا۔
فاطمہ نامی صارف نے لکھا کہ جب لوگ اپنی طاقت دکھاتے ہیں تو مافیا دم دبا کر بھاگ جاتا ہے،اس لیے عوام اپنی طاقت پہچانیں اور ڈٹ کر مقابلہ کریں۔
جب لوگ اپنی طاقت دکھاتے ہیں تو مافیا دم دبا کر بھاگ جاتا ہے۔
عوام اپنی طاقت پہچانیں اور ڈٹ کر مقابلہ کریں۔ https://t.co/vtNmqM1c7h
— F. (@Badasslnc) August 29, 2023
ایک صارف نے لکھا کہ خیبر پختونخواہ کے ہر گاؤں میں جرگے ہونے چاہیئں اور واپڈا اہلکاروں اور پولیس کا دیہات میں داخلہ بند کر دینا چاہیے۔ صارف کا مزید کہنا تھا کہ چور حکمرانوں نے اس ملک کو بیرونی قوتوں کا غلام بنا دیا ہے، اب فیصلہ عوام کو کرنا ہے کہ غلامی سے بد تر زندگی گزارنی ہے یا غلام حکمرانوں سے پاکستان آزاد کرانا ہے؟
پختونخوا کے ہر گاوں میں جرگہ ہونے چاہیئے۔ واپڈا اہلکاروں و پولیس کا دیہات پر داخلہ بند کرنا چاہیئے۔ چور حکمرانوں نے ملک کو بیرونی قوتوں کا غلام بنا دیا ہے۔ اب فیصلہ عوام کا کہ غلامی سے بد تر زندگی گزارنی ہے یا غلام حکمرانوں سے پاکستان آزاد کرانا ہے؟ https://t.co/3ZPMrXXTuC
— Arif Yousafzai (@journalist11) August 29, 2023
گوہر اسلم لکھتے ہیں بندوق خود ایک قانون ہے جو کسی اور قانون کو نہیں مانتا، اور اب واپڈا کے اہلکار بڑے پیار سے قانون سمجھنے لگ گئے ہیں حالانکہ یہی اہلکار بناء بتائے میٹر اتار کر لے جاتے تھے۔
بندوق خود ایک قانون ہے ، جو کسی اور قانون کو نہیں مانتا،
واپڈہ کے اہلکار بڑے پیار سے قانون سے سمجھانے لگ گئے ہیں ، حالانکہ یہ اہلکار بنا بتاۓ میٹر لے جاتے ہیں 🤣🤣🤣🤣 https://t.co/AfPlkfPzzl— Gohar islam (@Gohar7401801) August 29, 2023
ایک اور صارف نے لکھا کہ یہ بہت ہی خطرناک اشارہ ہے لیکن سودخوروں کے سہولتکار یہ کیوں نہیں سمجھتے؟
بہت ہی خطرناک اشارہ ہے !لیکن سودخوروں کے سہولت کار کیوں نہیں سمجھتے ! https://t.co/Uy5RAUx6de
— Makhzan Ali (@makhzanali) August 29, 2023
واضح رہے کہ مظاہرین زائد بلوں کے خلاف احتجاج کر رہے ہیں اور حکومت سے یہ اضافہ واپس لینے کا مطالبہ کر رہے ہیں، کیونکہ اتنے بھاری بلز ادا کرنا ان کے لیے ناممکن ہوچکا ہے۔