سابق بھارتی کرکٹر اور بھارتی کرکٹ ٹیم کے ہیڈ کوچ روی شاستری نے کہاکہ جب سے بابر اعظم نے کپتانی سنبھالی ہے پاکستان اور بھارت کے درمیان میچ میں بھارت کو فیورٹ قرار دیے جانے کا سلسلہ ختم ہوتا جا رہا ہے۔
بھارتی ہیڈ کوچ روی شاستری نے ای ایس پی این کو انٹرویو دیتے ہوئے کہاکہ پچھلے 6، 7 سالوں سے کسی بھی فارمیٹ کی کرکٹ میں جب بھی پاکستان اور بھارت آمنے سامنے آتے تھے تو بھارت کو ہی فیورٹ قرار دیا جاتا تھا لیکن جب سے بابر اعظم نے کپتانی سنبھالی ہے یہ تاثر ختم ہوتا جا رہا ہے۔
مزید پڑھیں
انہوں نے کہاکہ بابر اعظم بہت ہی با صلاحیت کھلاڑی ہے، وہ اپنے نوجوان کھلاڑیوں کو بھی اس کی طرز کرکٹ کو فالو کرنے کا مشورہ دیتے ہیں، کیونکہ ٹاپ آرڈربیٹرز میں سے کوئی بھی بیٹر سینچری بناتا ہے تو ٹیم کا مجموعی اسکور 300 تک پہنچ جاتا ہے۔
ان کا کہنا تھاکہ پاکستان کے بولرز اچھے ہیں اور اچھی فارم میں ہیں، لیکن یہ بات تو ہمیشہ سے ہی طے ہے کہ پاکستان کے پاس بولنگ لائن اپ ہمیشہ سے بہترین رہی ہے لیکن بھارت کی ٹیم بھی کسی سے کم نہیں ہے۔
روی شاستری نے کہاکہ بھارت کو اس میچ میں فیورٹ قرار دیتا ہوں کیونکہ بھارت کے پاس روہت شرما اور ویرات کوہلی جیسے بلے باز ہیں جو ٹیم کے لیے ہمیشہ سے پرفارم کررہے ہیں۔