سابق بھارتی مایا ناز کھلاڑی سنیل گواسکر نے پاکستان اور بھارت کے پہلے کرکٹ ٹاکرے میں پاکستان کو فیورٹ قرار دیتے ہوئے کہاکہ پاکستان ٹیم مسلسل میچز کھیل رہی ہے اور پاکستان کی ٹیم کو بولنگ میں بھارت پر برتری حاصل ہے۔
نجی ٹی وی سے گفتگو کرتے ہوئے سنیل گواسکر نے کہاکہ ایشیا کپ کے دوران پاکستان اور بھارت کے درمیان پہلے میچ میں پاکستان فیورٹ ہے، کیونکہ پاکستان مسلسل میچز کھیل رہا ہے اور ٹیم ردھم میں بھی ہے، سری لنکا میں پہلے سے افغانستان کے ساتھ سیریز بھی کھیل چکے ہیں۔
مزید پڑھیں
انہوں نےکہاکہ پاکستان کے پاس بولنگ اٹیک بہت اچھا ہے یہی وجہ ہے کہ پاکستان کو بولنگ میں بھارت پر برتری حاصل ہے۔
ان کا کہنا تھاکہ بھارت کے پاس بہترین بلے باز ہیں لیکن بھارتی ٹیم کی بولنگ سائیڈ کمزور ہے، تاہم پاکستان بولنگ میں بھارت پر برتری لے جا سکتا ہے۔
انہوں نے کہاکہ تاہم پاکستان کو ایڈوانٹج حاصل ہے لیکن پھر بھی فیصلہ میدان میں ہوگا کیونکہ یہ ہائی ولٹیج میچ ہوتا ہے اس لیے کچھ بھی کہنا قبل از وقت ہے۔
