انسداد دہشت گردی عدالت نے سابق وزیر اعظم عمران خان پر حملے کے مقدمہ میں نامزد ملزم کی ضمانت منظور کرلی۔
گوجرانوالہ انسداد دہشت گردی کی عدالت کے جج نے عمران خان حملہ کیس میں نامزد ملزم کی درخواست ضمانت پر محفوظ فیصلہ کیا تھا جو آج سنا دیا ۔
عدالت نے ملزم احسن نذیر کی 5 لاکھ روپے کے ضمانتی مچلکوں کے عوض ضمانت منظور کی۔
دوسری طرف انسداد دہشتگردی کی عدالت نے مقدمے میں گرفتار ملزم وقاص کی درخواست ضمانت خارج کردی۔
واضح رہے کہ عمران خان حملہ کیس میں نامزد ملزم احسن نذیر مسلم لیگ (ن) کے ضلعی سیکرٹری اطلاعات مدثر نذیر کا بھائی ہے۔
پولیس نے ملزم احسن نذیر کو سوشل میڈیا اکاؤنٹ پر پوسٹ کرنے کے بعد گرفتار کیا تھا جس میں ملزم نے لکھا تھا کہ آج کچھ بڑا ہونے والا ہے۔
