چیئرمین پاکستان تحریک انصاف (پی ٹی آئی) عمران خان کی اہلیہ بشریٰ بی بی کو قومی احتساب بیورو (نیب) نے کل طلب کر لیا ہے۔
نیب کی جانب سے بشریٰ بی بی کو توشہ خانہ کیس میں طلب کیا گیا ہے، اور ہدایت کی گئی ہے کہ کل نیب اسلام آباد میں جوائنٹ انویسٹی گیشن ٹیم کے سامنے پیش ہوں۔
نیب ٹیم کی جانب سے بشریٰ بی بی کا کال اپ نوٹس ان کے وکلا نے وصول کیا ہے۔
بشریٰ بی بی پر الزام ہے کہ انہوں نے توشہ خانہ سے 3 سال کے دوران متعدد مواقع پر سونے کے زیورات کم قیمت پر حاصل کیے۔
نیب کی جانب سے اس سے قبل بھی بشریٰ بی بی کو طلب کیا گیا تھا، تاہم انہوں نے عمران خان سے ملاقات کے بعد پیش نہ ہونے کا فیصلہ کیا تھا۔
