ایف آئی اے اینٹی کرپشن سرکل پشاور نے بڑی کارروائی میں جعلی شناختی بنانے میں ملوث افراد کو گرفتار کر لیا۔
ڈپٹی ڈائریکٹر اینٹی کرپشن سرکل پشاور سعد اللہ خان کی ہدایت پر جعلی شناختی کارڈ بنانے میں ملوث نادرا افسران سمیت 5 ملزمان گرفتار کر لیے گئے ہیں۔
گرفتار ملزمان میں اکرام اللہ، فرید خان، عبدالرزاق، اسد اللہ اور نثار محمود شامل ہیں۔
مزید پڑھیں
ملزم اکرام اللہ اور فرید خان نادرا آفس چترال میں بطور ڈپٹی اسسٹنٹ ڈائریکٹر اور سپریٹنڈنٹ تعینات تھے۔
علاوہ ازیں ملزم عبدالرزاق نادرا آفس ملتان میں بطور سینیئر ایگزیکٹیو تعینات تھا۔ جب کہ ملزمان کو ضمانت قبل از گرفتاری خارج ہونے پر گرفتار کیا گیا۔
ملزمان نے مجموعی طور پر 59 سے زائد جعلی شناختی کارڈ بنائے۔ملزمان کے خلاف 2 مختلف مقدمات درج تھے۔
ایس ایچ عرفان اللہ نے ملزمان کو گرفتار کر کے تفتیش کا آغاز کر دیا گیا۔
