بالی وڈ سپر اسٹار شاہ رخ خان کی فلم ’جوان‘ نے ریلیز کے پہلے ہی روز 65 کروڑ بھارتی روپے کما کر باکس آفس پر دھوم مچا دی۔
ساؤتھ انڈین اداکار اٹلی کمہار کی ہدایت کاری میں بننے والی فلم جوان نے ہندی، تامل اور تیلگو سینیما میں دھماکہ دار انٹری کی ہے۔
’جوان‘ساؤتھ انڈین فلموں کے شائقین کے لیے بھی اچھا شگون ہے کیونکہ بالی وڈ کے کنگ خان نے ’جوان‘ سے ساؤتھ انڈین فلموں میں کام کا آغاز کیا ہے۔
’جوان‘ 8 ستمبر، 2023 کو دنیا بھر میں ریلیز کی گئی تھی، مداحوں کی جانب سے اس فلم کی ریلیز کے انتظار کا اندازہ اس بات سے لگایا جا سکتا ہے کہ فلم کے ریلیز ہونے سے پہلے ہی سینیما گھروں میں لاکھوں ٹکٹس فروخت ہو چکے تھے۔ ’جوان‘ نے پہلے ہی دن 60 سے 65 کروڑ کا بزنس کیا اور شاہ رخ خان ہی کی سپر ہٹ فلم ’پٹھان‘ کا ریکارڈ توڑ دیا جو رواں سال جنوری میں ریلیز ہوئی تھی۔ فلم ’پٹھان‘ نے پہلے روز 55 کروڑ روپے کا بزنس کیا تھا۔
مزید پڑھیں
جوان‘ نے عالیہ بھٹ اور رنبیر کپور کی فلم ’برہمسترا‘ کو بھی مات دے دی، جس نے پہلے روز 35 کروڑ روپے کا بزنس کیا تھا۔ یوں ’جوان‘ کے پہلے دن کا بزنس بالی وڈ کی اب تک کی کسی بھی فلم کے’ پہلے دن سے زیادہ ہے۔
جوان کی کامیابی کے بعد شاہ رخ خان نے اپنے سوشل میڈیا پلیٹ فارم ’ایکس‘پر فلم دیکھنے اور پسند کرنے والے مداحوں کا شکریہ ادا کیا ہے۔
Wow have to take time out and thank each and every Fan Club and all of you who have gone so happily in the theatres and even outside. So overwhelmed will surely do the needful as soon as I get my breath back in a day or so. Uff!! Love u for loving #Jawan
— Shah Rukh Khan (@iamsrk) September 7, 2023
شاہ رخ خان کے پوری دنیا میں موجود مداح بھی خوشی سے جھوم اٹھے ہیں۔ فلم کی کامیابی کے بعد لگ رہا ہے کہ ایسا ریکارڈ قائم کرنا کسی اور فلم کے لیے اب مشکل ہوگا کیونکہ ’جوان‘ کی کامیابی میں شاہ رخ خان کی مقبولیت کا بہت بڑا ہاتھ ہے۔
یاد رہے کہ فلم ’جوان‘ شاہ رخ خان کے پروڈکشن ہاؤس ’ریڈ چیلیز انٹرٹینمیٹ‘ کے بینر تلے ریلیز ہوئی ہے۔
