بالی ووڈ کنگ شاہ رخ خان کی حالیہ فلم ’جوان‘ نے ان کی اپنی ہی پچھلی بلاک بسٹر فلم ’پٹھان‘ کا ریکارڈ توڑ دیا۔
بالی ووڈ اسٹار شاہ خان ان دنوں اپنے ہی پرانے ریکارڈ توڑ رہے ہیں، ان کی فلم ’جوان‘ بھارتی فلم انڈسٹری کی تاریخ میں سب سے زیادہ بزنس کرنے والی فلم بن گئی ہے، اس سے قبل یہ ریکارڈ کنگ خان کی اپنی ہی فلم ’پٹھان‘ کے پاس تھا۔
شاہ رخ خان کی فلم جوان ریلیز کے تیسرے ہفتے بعد ہی 1000 کروڑ روپے کا ہندسہ عبور کرنے میں کامیاب ہو گئی ہے اور ہندوستان میں اب تک کی سب سے زیادہ کمائی کرنے والی فلم بھی بن گئی۔
مزید پڑھیں
بالی ووڈ انڈسٹری ٹریکر ساکنلک انٹرٹینمنٹ کے مطابق فلم ’جوان‘ نے پیر کو 5.30 کروڑ روپے کمائے، ہندی سینما گھروں میں فلم نے 13.70 فیصد کمائی کی، محدود شوز کے باوجود تامل سینما گھروں میں 17.16 اور تیلگو سینیماؤں میں 16.93 فیصد کمائی کی۔
2023 Latest Movies India Box Office Collection | All Language
جوان نے ریلیز کے بعد پہلے ہفتے میں کل 391.33 کروڑ بھارتی روپے کمائے، دوسرے ہفتے میں فلم نے 137.06 کروڑ روپے کی کمائی کی جبکہ فلم نے تیسرے ہفتے مقامی مارکیٹ میں 34.81 کروڑ روپے کا کاروبار کیا۔
پروڈکشن کمپنی ریڈ چلیز انٹرٹینمنٹ کے مطابق پیر کے روز جوان کی مجموعی کمائی 1004.92 کروڑ روپے تھی۔
یہاں یہ بات بھی قابل ذکر ہے کہ شاہ رخ خان کی سال 2023 کی تیسری فلم ’ڈنکی‘ 22 دسمبر کو ریلیز ہو گی، یہ بات بھی دلچسپ ہوگی کہ آیا شاہ خان کی متوقع فلم ان کی اب تک کی سپر ہٹ فلموں یعنی جوان اور پٹھان کو مات دے سکے گی؟
