کراچی میں پولیس آفس پر حملے آور ہونے والے دہشت گردوں سے متعلق معلوم ہوا ہے کہ وہ دو گاڑیوں میں سوار ہو کر اپنے ٹارگٹ تک پہنچے تھے۔
پولیس ذرائع کے مطابق ایک گاڑی کے پی او کی عمارت کےعقب میں جب کہ دوسری عمارت کے سامنے کھڑی ملی ہے۔ پولیس کے دعویٰ کے مطابق یہ دونوں مشکوک گاڑیاں دہشت گردوں کے زیر استعمال تھیں۔
حملہ آور ان ہی دونوں گاڑیوں میں کراچی پولیس آفس پہنچے تھے۔ ان مشکوک گاڑیوں کو بم ڈسپوزل اسکواڈ کی جانب سے چیک کرنے کے بعد کلیئر قرار دے دیا گیا ہے۔
پولیس حکام کے مطابق گاڑی سے متعلق حاصل ہونے والی ابتدائی تحقیقات کی روشنی میں بھینس کالونی میں قانون نافذ کرنے والے ادارے نے چھاپہ مار کر ایک گاڑی کے کامران نامی مبینہ مالک کو گرفتار کر لیا ہے۔
پولیس ذرائع کے مطابق کامران کو بھینس کالونی نمبر 6 سے گرفتار کیا گیا اور اس کا
ابتدائی بیان بھی ریکارڈ کر لیا گیا ہے۔
گرفتار ملزم کے مطابق اس نے گاڑی ایک شو روم پر فروخت کی تھی، شوروم والوں نے گاڑی کس کو دی مجھے نہیں علم نہیں۔