کراچی کے پرائیویٹ اسکول میں خواتین کے ساتھ زیادتی کے کیس میں ملوث اسکول پرنسپل کی نشاندہی پر اس کے گھر سے جنسی ادویات اور منشیات برآمد کی گئی ہیں۔
کراچی کے علاقے گلشن حدید کے ایک پرائیویٹ اسکول میں خواتین سے زیادتی کے الزام میں گرفتار ملزم سے پولیس کی تفتیش جاری ہے۔
مزید پڑھیں
پولیس نے رات گئے ملزم کے گھر کی تلاشی لی اور کارروائی کے دوران اس کے گھر سے منشیات اور جنسی ادویات برآمد کی ہیں۔
پولیس کے مطابق ملزم اسکول پرنسپل عرفان کے خلاف ایک اور مقدمہ درج کر لیا گیا، مقدمہ اسٹیل ٹاؤن تھانے کے تفتیشی افسر کی مدعیت میں درج ہوا، ملزم عرفان نے دوران تفتیش منشیات اور جنسی ادویات کے استعمال کا اعتراف بھی کر لیا ہے۔
پولیس کے مطابق اب تک 45 سے زیادہ متاثرہ خواتین کا پتا چلا ہے، ملزم خواتین کو بلیک میل کرتا تھا۔ ’تفتیش تیز کر دی ہے، پیشرفت رپورٹ عدالت میں پیش کی جائے گی‘۔
واضح رہے کہ گلشن حدید کے نجی اسکول کی غیر اخلاقی ویڈیوز منظر عام پر آنے کے بعد پولیس نے کارروائی کرتے ہوئی اسکول پرنسپل کو گرفتار کیاتھا۔
