صرف 20 سال کی عمر میں شدت کے ساتھ باؤلنگ اور دل سے بلے بازی کرنے والے سری لنکن ٹیم کے نوجوان کھلاڑی ڈونتھ ولالجے نے ایشیا کپ 2023 کے سپر 4 مرحلے کے میچ میں اکیلے بھارت کی آدھی ٹیم کو آؤٹ کر دیا، جس پر سینئر کھلاڑیوں نے ان کی تعریفوں کے پل باندھتے ہوئے ڈونتھ ویلالجے کو مستقبل کا روشن ستارہ قرار دے دیا۔
آئی سی سی کے مطابق ڈونتھ ولالجے نے بھارت کے خلاف اپنے پہلے میچ میں انتہائی ذمہ داری کے ساتھ بہترین پرفارمنس کا مظاہر کیا، 2003 میں پیدا ہونے والے نوجوان نے ویرات کوہلی، روہت شرما، کے ایل راہول، شبمن گل، اور ہاردک پانڈیا جیسے کھلاڑیوں کو آؤٹ کیا۔
ڈونتھ ویلالجے نے بین الاقوامی سطح پر پہلی بار 5 وکٹیں حاصل کیں، 40 رنز دے کر 5 وکٹیں حاصل کرنے والے اسپنر کی تعریف میں بڑے بڑے کھلاڑی سامنے آگئے جو ان کی شاندار بولنگ سے متاثر ہوئے تھے۔
It’s fair to say that SL played with 12 players today. That’s how good Dunith was👏
He’s got a brilliant head on his young shoulders to go with his all-round skill set.
I believe he’s on his way to becoming the most important player for SL in ODIs for the next decade❤️#INDvSL— Lasith Malinga (@malinga_ninety9) September 12, 2023
سری لنکن لیجنڈ بولر لاستھ ملنگا نے ڈونتھ ویلالجے کی تعریف کرتے ہوئے کہاکہ نوجوان اسپنر نے ایشیا کپ میں شاندار بولنگ کا مظاہرہ کرتے ہوئے اسپن میں بھارت کے اعلٰی ترین ٹاپ آرڈر کو شکست دی۔
ملنگا نے اپنے خیال کا اظہار کرتے ہوئے کہاکہ ان کو اس نوجوان اسپنر کا مستقبل روشن دکھائی دے رہا ہے اور اگلی دہائی کے لیے ون ڈے میں سری لنکا کے لیے سب سے اہم کھلاڑی بننے جا رہا ہے۔
That ball from Wellalage to Gill is a dream ball for any spinner, but most importantly a big endorsement to the triple spin threat.#AsiaCup2023 #INDvsSL
— Ashwin 🇮🇳 (@ashwinravi99) September 12, 2023
بھارتی مشہور کھلاڑی اور اسپنر ایشون نے بھی ایکس پر پوسٹ شیئر کرتے ہوئے نوجوان ڈونتھ ویلالجے کی تعریف کی۔
Admittedly, the track is a good ally, but Wellalage has been excellent. The promise he showed as a standout U19 cricketer is bearing fruit
— Harsha Bhogle (@bhogleharsha) September 12, 2023
بھارتی سابق کھلاڑی ہرشا بوگلے نے بھی ڈونتھ ویلالجے کی تعریفوں کے پل باندھے اور لکھا کہ انڈر 19 کرکٹ میں جو کمٹمنٹ کی تھی اس نے آج انٹرنشینل میچ میں پوری کر دکھائی ہے۔
Solid bowling from this youngster Wellalage. #INDvsSL
— Irfan Pathan (@IrfanPathan) September 12, 2023
بھارتی سابق فاسٹ بولر عرفان پٹھان بھی ویلالجے کی تعریف کیے بغیر نہیں رہ سکے اور کھل کر تعریف کی۔
واضح رہے ولالجے نے اب تک اپنے ملک کے لیے صرف 13 ون ڈے کھیلے ہیں، لیفٹ ہینڈ بولر اور بیٹر سری لنکا کی آئی سی سی مینز کرکٹ ورلڈ کپ مہم میں اہم کردار ادا کرنے کے لیے تیار دکھائی دے رہے ہیں جو اگلے ماہ بھارت میں شروع ہو رہا ہے۔
ویلالجے نے سب سے پہلے پچھلے سال کے آئی سی سی انڈر 19 مینز کرکٹ ورلڈ کپ میں 13.58 کی اوسط سے 17 وکٹوں کے ساتھ نمایاں وکٹیں لے کر باقی کھلاڑیوں کے سامنے اپنی کلاس کا مظاہرہ کیا تھا۔