کاؤنٹر ٹیررازم ڈیپارٹمنٹ بلوچستان (سی ٹی ڈی) نے بر وقت کارروائی کرتے ہوئے کوئٹہ کو بڑی تباہی سے بچا لیا۔
سی ٹی ڈی نے ایک انٹیلیجنس بیسڈ آپریشن کے بعد لیڈز پارک سیٹلائٹ ٹاؤن بلاک 4 کوئٹہ سے خود کُش حملہ آور خاتون کو گرفتار کر لیا ہے ۔
ترجمان سی ٹی ڈی بلوچستان کے مطابق گرفتار ہونے والی مہابل نامی خاتون کا تعلق کالعدم تنظیم بلوچستان لبریشن فرنٹ (BLF) سے ہے۔
مبینہ خود کُش بمبار خاتون کے قبضے سے خودکش جیکٹ برآمد ہوئی ہے جس میں 4 سے 5 کلوگرام بارود بھرا ہوا تھا۔
سی ٹی ڈی کے ترجمان کے مطابق مبینہ خودکش خاتون حملہ آور کا ہدف اہم تنصیبات اور سیکیورٹی فورسز تھے۔
گرفتار ہونے والی مبینہ خاتون خودکش بمبار کے خلاف سی ٹی ڈی تھانہ میں مقدمہ درج کر لیا گیا ہے۔
مبینہ خودکش بمبار سے نیٹ ورک کے دیگر افراد کی گرفتاری کے لیے تفتیش جاری ہے۔
