ایشیا کپ 2023 کے فائنل میں ٹاس جیت کر بھارت کے خلاف بیٹنگ کرنا سری لنکا کو مہنگا پڑ گیا، اور پوری ٹیم کی ریت کی دیوار ثابت ہوئی، بھارتی فاسٹ بولر محمد سراج نے 6 کھلاڑیوں کو پویلین کی راہ دکھائی اور یوں ساری ٹیم 50 رنز بنا آؤٹ ہو گئی۔
فائنل معرکے میں ہوم گراؤنڈ ہونے کے باوجود سری لنکا کے پہلے 6 کھلاڑی صرف 12 رنز پر ہی پویلین لوٹ گئے تھے۔
بھارتی فاسٹ بولر محمد سراج نے اپنے پہلے ہی 2 اوورز میں 4 رنز دے کر 4 کھلاڑیوں کو آؤٹ کیا اور مجموعی طور پر 6 کھلاریوں کو پویلین کی راہ دکھائی، اس کے ساتھ جسپریت بمراہ نے ایک اور ہاردک پانڈیا نے 3 کھلاڑیوں کو آؤٹ کیا۔
بھارتی بولرز کی تباہ کن بولنگ پر شائقین کرکٹ نے تبصروں کے انبار لگا دیے، کوئی سراج کی بولنگ سے متاثر نظر آیا توکسی نے ’ویل پیڈ انڈیا‘ اور میچ فیکسڈ کا ٹرینڈ بنائے رکھا۔
ایک صارف نے داسن شناکا کی زیرو پر آوٹ ہونے کی تصویر پر پیغام دیا فیکسڈ! ’ویل پیڈ انڈیا‘۔
https://twitter.com/haidersultan777/status/1703365545931030782
ملک ریاض نامی صارف نے تبصرہ کرتے ہوئے سوالیہ انداز میں لکھا کیا میچ فیکسڈ ہے؟ کیونکہ پچ پرتو غیر معمولی سوئنگ نہیں ہے۔
Is it Fixed match ? 😟
Because pitch is not tough ,not extraordinary swing…#AsiaCup2023 pic.twitter.com/EDrGAJ9FMk— Malik Riaz (@MalikkRiaz) September 17, 2023
یاد رہے کہ سری لنکن کپتان نے ٹاس جیت کر بیٹنگ کا فیصلہ کرتے ہوئے کہا تھا کہ پچ بیٹنگ کے لیے سازگار نظر آتی ہے۔
شبھم نامی صارف نے انڈین ریسلر کی میم شیئر کرتے ہوئے تبصرہ کیا کہ کس طرح انڈیا سری لنکا کی درگت بنا رہا ہے۔
Live scene from the Asia Cup Final #INDvSL #Siraj #AsiaCupFinals #INDvsSL pic.twitter.com/ukLgiSZSVs
— Shubham 𝕏 (@DankShubhum) September 17, 2023
پریتی نامی سوشل میڈیا صارف محمد سراج کی کرسٹیانو رونالڈو کے انداز میں وکٹ سلیبریشن شیئر کرتے ہوئے لکھتی ہیں سراج نے ایشیا کپ کے فائنل میں سری لنکا کے خلاف صرف 16 گیندوں میں 5 وکٹیں حاصل کیں۔
Siraj just took 5 wickets in 16 balls against Sri Lanka in the Asia Cup final and hit the Cristiano Ronaldo's Siuuuu pic.twitter.com/bMTook3zxR
— Preeti (@MadridPreeti) September 17, 2023
انکیت پاٹک نامی صارف نے انڈیا کی فلم سیریز مرزا پور کے ایک کردار کو محمد سراج سے تشبیہ دے کر میم شیئر کی کہ ’ہم جس قسم کے آدمی ہیں اس میں مشکل یہ ہے کہ ہمیں خود نہیں پتا کہ ہم کب کیا کریں گے۔
Mohammed Siraj after thrashing Sri Lanka in Asia Cup final pic.twitter.com/sFEP4RIhO5
— Ankit Pathak 🇮🇳 (@ankit_acerbic) September 17, 2023
