پاکستان سپر لیگ (پی ایس ایل) کے لیگ میچوں کا سلسلہ جاری ہے اور شائقین کرکٹ کی توقعات کے عین مطابق سنسنی خیز مقابلے دیکھنےکو مل رہے ہیں ۔
شائقین کرکٹ کراچی کنگز اور لاہور قلندرز کے درمیان ہونے والے میچز کا بے صبری سے انتظار کرتے ہیں یہی وجہ ہے کہ پچھلے سات سیزنز کے دوران بڑے پیمانے پر لاہور قلندرز اور کراچی کنگز کے میچز دیکھنے والے ناظرین کی تعداد میں اضافہ ہوا ہے۔
سماجی رابطوں کی ویب سائٹس پر صارفین کی جانب سے آج ہونے والے پاکستان سپر لیگ کے میچز کے حوالے سے بحث جاری ہے اور یہ گفتگو دیکھتے ہوئے آپ کھیل کی دنیا میں ہونے والے بڑے مقابلوں کو شاید بھول ہی جائیں۔
لیورپول بمقابلہ مانچسٹر یونائیٹڈ۔ ریئل میڈرڈ بمقابلہ بارسلونا یا پاکستان بمقابلہ انڈیا کے بارے میں جو کچھ آپ جانتے ہیں اسے بھول جائیں کیونکہ کراچی کنگز اور لاہور قلندرز اب روایتی حریف بن چکے ہیں۔ صارفین کا کہنا ہے یہ مقابلہ دیکھنے کے لئے مضبوط دل کا مالک ہونا ضروری ہے۔
میچ سے قبل مداحوں نے سوشل میڈیا پر طنز و مزاح سے بھر پور تبصروں اور تجزیوں سے ماحول خوشگوار بنا رکھا ہے۔ ایک صارف نے آج کے دن کو سپر سنڈے قرار دیتے ہوئے لکھا کہ آج بریانی بمقابلہ پائے ہے۔
So its Biryani vs Paaye😋 #PSL8 #KKvsLQ pic.twitter.com/2X34uCsxxc
— Maher Shahzad (@Shahzadmukhta) February 19, 2023
دونوں ٹیموں کے مداح سماجی رابطوں کی ویب سائٹس پر کافی فعال نظر آرہے ہیں۔ کوئی اپنے پسندیدہ کھلاڑی کی پرفارمنس کے حوالے سے پیش گوئی کر رہا ہے تو کوئی اپنی پسندیدہ ٹیم کے جیتنے کی دعا ۔ ایسے میں صارف محمد حمزہ لکھتے ہیں صرف کراچی کی جیت ہی ان کا موڈ اچھا کر سکتی ہے
Only kk win over LQ can fix my mood. #KKvsLQ #KarachiKings #LahoreQalandars #HBLPSL8
— Muhammad hamza (@hamza_412) February 19, 2023
ایک اور صارف نے لکھا کہ مسلسل تین میچز ہارنے والی کراچی کنگز آج لاہور کے خلاف مقابلہ جیت کر اپنی فتوحات کا آغاز کرے گی جس کے جواب میں ایک اور صارف عاطف اعوان نے لکھا شاید آپ نے لاہور قلندرز کی باؤلنگ لائن نہیں دیکھی۔
I think you haven’t seen the Lahore Qalandars bowling lineup #KKvsLQ https://t.co/sGeAt8dC8J
— Atif Awan (@atifaven) February 19, 2023
ٹویٹر پر ماحول کی گرما گرمی دیکھتے ہوئے ایک صارف نے سوال کیا کہ یہ کراچی بمقابلہ لاہور ہے یا پاکستان بمقابلہ انڈیا ؟
Lahore Qalanders VS Karachi Kings
Sounds like Pakistan Vs India 😂
— Abdul Ahad. (@aabdulyy) February 19, 2023
پاکستان سپر لیگ میں آج کراچی کنگز لاہور قلندرز کا سامنا کرے گی اور یہ میچ پاکستانی وقت کے مطابق شام سات بجے شروع ہوگا۔ اس سے قبل کراچی کنگز اب تک کوئی میچ نہیں جیت سکی جبکہ لاہور قلندرز نے پی اس ایل کا آغاز ملتان سلطان کے خلاف جیت سے کیا تھا ۔
