آئندہ 2روز تک موسلادھار بارش کے باعث لاہور، گوجرانوالہ اور راولپنڈی کے نشیبی علاقے زیر آب آنے کا خدشہ اور مری، گلیات، کشمیر اور دیگر پہاڑی علاقوں میں گرج چمک کے ساتھ بارش سے لینڈ سلائیڈنگ کا خطرہ ہے۔
محکمہ موسمیات کے مطابق 22 سے 24 ستمبر تک موسلادھار بارش کے باعث مری، گلیات، کشمیر، گلگت بلتستان ، چترال، دیر، سوات، کوہستان، شانگلہ، بونیر، مانسہرہ اور ایبٹ آباد میں لینڈ سلائیڈنگ کا خطرہ ہے اور لاہور، گوجرانوالہ اور راولپنڈی کے نشیبی علاقے زیر آب آنے کا خطرہ ہے۔
گذشتہ 24 گھنٹے میں ملک کے بیشترعلاقوں میں موسم گرم اور خشک رہا۔ تا ہم اسلام آباد، خطہ پوٹھوہار اوربالائی خیبر پختونخوا، اسلام آباد، کشمیر، مری اور گلگت بلتستان کے بعض علاقوں میں تیز ہواؤں اور گرج چمک کے ساتھ بارش ہوئی۔
سب سےزیادہ بارش اسلام آباد کے علاقے زیرو پوائنٹ 42، سیدپور 33 ، راولپنڈی میں شمس آباد 36، چکلالہ 13 ، جہلم 02، خیبر پختونخوا کے علاقے کالام اورمالم جبہ میں 01 ملی میٹر بارش ریکارڈ کی گئی۔
گزشتہ روز ریکارڈ کیے گئے زیا دہ سے زیادہ درجہ حرارت میں تربت 46، لسبیلہ43، خان پور اور سبی میں 40 ڈگری سینٹی گریڈ ریکارڈ کیا گیا۔
