راولپنڈی کے قریب اسلام آباد کے کھنہ پل کی پہاڑی سے 2 دہشتگرد گرفتار کیے گئے ہیں، اسلام آباد کیپیٹل پولیس نے دعوٰی کیا ہے کہ دہشتگردوں کے قبضے سے بارودی مواد، اسلحہ اور موٹرسائیکل برآمد کی گئی ہے۔
کھنہ پل پہاڑی اور راولپنڈی کے قریب سے دو دہشت گرفتار۔
دہشت گردوں سے بارودی مواد، اسلحہ، اور موٹرسائیکل برآمد۔دہشت گردوں کی شناخت کی جا رہی ہے ۔
پولیس ٹیم نے مخبر خاص کی اطلاع پر کارروائی کی۔
گرفتار دہشت گردوں کو تفتیش کے لئے تھانہ منتقل کردیا گیا ہے۔#ICTP #Islamabad
— Islamabad Police (@ICT_Police) September 23, 2023
ترجمان اسلام آباد کیپیٹل پولیس کے مطابق اسلام آباد کی کھنہ پل پہاڑی اور راولپنڈی کے قریب سے 2 دہشتگردوں کو گرفتار کیا گیا ہے، پولیس ٹیم نے اپنے خاص مخبروں کی مدد سے دہشتگردوں کے ٹھکانے پر چھاپہ مار کر ملزمان کو گرفتار کیا ہے۔
مزید پڑھیں
پولیس کے مطابق دہشتگردوں سے مختلف قسم کا اسلحہ اور بارودی مواد برآمد کیا گیا ہے، جبکہ دہشتگردوں کے زیر استعمال ایک موٹر سائیکل بھی برآمد کر لی گئی ہے۔
ترجمان پولیس کے مطابق گرفتار دہشتگردوں کی شناخت کا عمل جاری ہے، اور مزید تفتیش کے لیے پولیس اسٹیشن منتقل کر دیا گیا ہے۔
