استعمال شدہ انجن آئل کو دوبارہ مارکیٹ میں سپلائی کیے جانے کا انکشاف ہوا ہے، جعلی آئل کا کارخانہ پکڑا گیا۔
کراچی بندر گاہ سے متصل علاقے کیماڑی میں جعلی آئل کا کارخانہ پکڑا گیا ہے۔
ایس ایس پی کیماڑی عارف اسلم راؤ کے مطابق کیماڑی تھانہ مدینہ کالونی کے علاقے سعید آباد میں پولیس نے جعلی آئل کے کارخانے پر چھاپہ مارا ہے، کارروائی کے دوران استعمال شدہ آئل بڑی مقدار میں برآمد ہوا ہے۔
عارف اسلم راؤ کے مطابق استعمال شدہ آئل صاف کر کے دوبارہ مارکیٹ میں سپلائی کیا جا رہا تھا۔
کارخانے سے 24 عدد آئل کے ڈرم اور ایک شہزور گاڑی قبضے میں لے لی گئی، کارخانہ سعید آباد N4 بس اسٹاپ کے پاس واقع گودام میں بنایا گیا میں تھا۔
ملزمان کو گرفتار کرکے مقدمہ درج کر لیا گیا ہے، مزید تحقیقات جاری ہیں۔
