تحریک انصاف نے دعوٰی کیا ہے کہ سابق رکن قومی اسمبلی اور وفاقی وزیر فرخ حبیب کو بلوچستان کے ساحلی شہر گوادر سے حراست میں لے لیا گیا ہے۔
پی ٹی آئی آفیشل اکاؤنٹ سے سماجی رابطہ کی ویب سائٹ ایکس پر پوسٹ کیے گئے پیغام میں کہا گیا ہے کہ پولیس کی وردی میں ملبوس ایک شخص کے ہمراہ سادہ لباس میں 7 سے 8 افراد نے آدھی رات کے وقت فرخ حبیب کو ان کے بھائی اور دیگر 4 ساتھیوں سمیت حراست میں لے لیا ہے۔
گوادر بلوچستان کے علاقے سے سابق وفاقی وزیر فرخ حبیب، ان کے بھائی اور دیگر 4 ساتھیوں کو پولیس یونیفارم میں ملبوس ایک شخص اور 7-8 سادہ کپڑوں میں نامعلوم افراد نے آدھی رات کے وقت بغیر کسی وارنٹ کے حراست میں لیا
ہم امید کرتے ہیں کہ قانون کے مطابق تمام زیرحراست افراد کو آج صبح عدالت…
— PTI (@PTIofficial) September 27, 2023
’گوادر بلوچستان کے علاقے سے سابق وفاقی وزیر فرخ حبیب، ان کے بھائی اور دیگر 4 ساتھیوں کو ۔۔۔نامعلوم افراد نے آدھی رات کے وقت بغیر کسی وارنٹ کے حراست میں لیا۔’
تحریک انصاف نے اپنے پیغام میں امید ظاہر کی ہے کہ قانون کے مطابق تمام زیرحراست افراد کو آج صبح عدالت میں پیش کیا جائے گا۔ پیغام کے مطابق تحریک انصاف کے وکلا کو بھی اس ضمن میں قانونی کارروائی کے لیے الرٹ کر دیا گیا ہے۔
