اسلام پولیس انویسٹیگیشن برانچ کے انسداد ڈکیتی یونٹ نے کارروائی کرتے ہوئے افغان نژاد گروہ کے 3 خطرناک ڈکیت زخمی حالت میں گرفتار کر لیے ہیں۔
ترجمان اسلام آباد کیپیٹل پولیس کے مطابق گرفتار ڈکیت اسلام آباد اور راولپنڈی میں متعدد ہائی پروفائل مقدمات میں ملوث تھے۔ یہ گروہ راولپنڈی میں ایک سیشن جج کے قتل میں بھی ملوث تھا۔
مزید پڑھیں
ترجمان کے مطابق یہ گروہ سنگین نوعیت کے درجنوں مقدمات میں مطلوب تھا۔ کارروائی کے دوران گروہ کا ایک ملزم موقع سے فرار ہونے میں کامیاب ہوگیا، جس کی گرفتاری کے لیے چھاپے مارے جارہے ہیں۔
آئی سی سی پی او ڈاکٹر اکبر ناصر خان نے گروہ کے خلاف کامیاب کارروائی پر پولیس ٹیم کو شاباشی دی اور انعامات کا اعلان کیا۔
واضح رہے اس سے قبل بھی افغان نژاد ڈکیت اور دہشتگردی میں ملوث ملزمان کو اسلام آباد پولیس گرفتار کر چکی ہے۔
