قومی کرکٹ ٹیم کے وکٹ کیپر بیٹر محمد رضوان نے ورلڈ کپ سے قبل نیوزی لینڈ کے خلاف وارم اپ میچ میں فیلڈنگ اور بولنگ میں غطلیوں کا اعتراف کیا ہے۔
سماجی رابطے کی ویب سائٹ ’ایکس‘ پر پی سی بی کی جانب سے شیئر کی ایک ویڈیو میں محمد رضوان نے کہاکہ بھارت میں کنڈیشنز کو جانچ رہے ہیں، یہ درست ہے کہ ہمیں فیلڈنگ میں بہتری لانے کی ضرورت ہے۔
Hear from @iMRizwanPak as he discusses the #NZvPAK warm-up match and playing in India 🗣️#CWC23 | #WeHaveWeWill pic.twitter.com/hoEWE1Pp1z
— Pakistan Cricket (@TheRealPCB) September 30, 2023
مزید پڑھیں
وکٹ کیپر بیٹر نے کہاکہ وارم اپ میچ کا مقصد کارکردگی میں بہتری لانا ہوتا ہے، ہم نے بھی اس میں سیکھنے کی کوشش کی، بہتری کی گنجائش ہمیشہ موجود رہتی ہے۔
انہوں نے کہاکہ نیوزی لینڈ کے خلاف میچ میں پچ بہتر تھی جس کی وجہ سے اسکور بن رہا تھا۔ باہر بیٹھے لڑکوں کو وارم اپ میچ میں موقع دینے کا مقصد یہ تھا کہ ان کی کارکردگی کا جائزہ لیا جا سکے۔
بھارت پہنچنے پر لگا ہم کراچی یا لاہور میں ہیں
محمد رضوان نے کہاکہ بھارت پہنچنے پر جس طرح ہمارا استقبال ہوا اس سے لگا کہ ہم کراچی یا لاہور میں ہیں۔
وکٹ کیپر بیٹر نے کہاکہ پاکستان کے عوام بھی بھارتی ٹیم سے پیار کرتے ہیں، جب کبھی بھارتی ٹیم پاکستان آئے گی تو اس کا بھی ایسے ہی استقبال کیا جائے گا۔
واضح رہے کرکٹ کے عالمی مقابلے کا آغاز 5 اکتوبر سے بھارت میں ہونے جا رہا ہے، پاکستان اپنا پہلا میچ 6 اکتوبر کو نیدر لینڈ کے خلاف کھیلے گا جبکہ 14 اکتوبر کو احمد آباد میں دو روایتی حریف پاکستان اور بھارت آمنے سامنے ہوں گے۔
