قومی کرکٹ ٹیم کے ہیڈ کوچ مکی آرتھر نے بھارت کے شہر حیدرآباد دکن میں قومی ٹیم کو جوائن کر لیا ہے۔
قومی کرکٹ ٹیم کے ترجمان نے کہا ہے کہ مکی آرتھر انگلینڈ سے کاؤنٹی کرکٹ میں اپنی مصروفیات ختم ہونے پر بھارت پہنچے ہیں اور ٹیم کو جوائن کر لیا ہے۔
ورلڈ کپ وہ ٹیم جیتے گی جس کی باؤلنگ کا معیار بہت اچھا ہوگا، شاداب خان
ترجمان کے مطابق ٹیم ڈائریکٹر مکی آرتھر اب ورلڈ کپ کے دوران مکمل طور پر قومی ٹیم کے ساتھ موجود رہیں گے۔
اس سے قبل ایشیا کپ کے دوران مکی آرتھر چند میچوں کے دوران ہی قومی ٹیم کو دستیاب تھے۔
واضح رہے کہ قومی کرکٹ ٹیم آج پریکٹس سیشن میں حصہ لے رہی ہے، اس کے بعد 3 اکتوبر کو وارم اپ میچ میں آسٹریلیا سے سامنا ہو گا۔
قومی کرکٹ ٹیم ورلڈ کپ میں اپنا پہلا میچ 6 اکتوبر کو نیوزی لینڈ کے خلاف کھیلے گی۔