کیا کرکٹ شائقین ورلڈ کپ کی روایتی رنگینیوں سے محروم رہیں گے؟

آئی سی سی مینز کرکٹ ورلڈ کپ 2023 کی افتتاحی تقریب اچانک منسوخ کر دی گئی ہے۔

بھارتی میڈیا کے مطابق ورلڈ کپ 2023 کی افتتاحی تقریب کو اچانک منسوخ کیا گیا ہے، اب صرف ایونٹ میں شریک ٹیموں کے کپتان فوٹو شوٹ میں حصہ لیں گے۔

کرکٹ ورلڈ کپ کی افتتاحی تقریب کے لیے احمد آباد کے نریندر مودی اسٹیڈیم میں تمام تیاریاں جاری تھیں کہ اچانک تقریب کو منسوخ کر دیا گیا۔

ورلڈ کپ کی افتتاحی تقریب 4 اکتوبر کو ہونا تھی جس میں شوبز ستارے اپنی آواز کا جادو جگاتے۔

ورلڈ کپ کی افتتاحی تقریب میں بھارتی گلوکارہ آشابھوسلے، شریا گھوشال، ارجیت سنگھ نے اپنی آواز کا جاود جگانا تھا، اس کے علاوہ نویر سنگھ بھی اپنے فن کا مظاہرہ کرنے کے لیے تیار تھے۔

واضح رہے کہ آئی سی سی کرکٹ ورلڈ کا آغاز 5 اکتوبر سے بھارت میں ہونے جا رہا ہے۔ افتتاحی میچ میں انگلینڈ اور نیوزی لینڈ آمنے سامنے ہوں گے۔

پاکستان اپنا پہلا میچ 6 اکتوبر کو نیدر لینڈ کے خلاف کھیلے گا، جبکہ روایتی حریف پاکستان اور بھارت 14 اکتوبر کر احمد آباد کے نریندر مودی اسٹیڈیم میں مد مقابل ہوں گے۔

ورلڈ کپ وہ ٹیم جیتے گی جس کی باؤلنگ کا معیار بہت اچھا ہوگا، شاداب خان

قومی کرکٹ ٹیم کل اپنا دوسرا وارم اپ میچ آسٹریلیا کے خلاف کھیلے گی۔

بابر الیون جہاں اچھی کارکردگی کے لیے پر عزم ہے تو وہیں کچھ سابق کرکٹرز کی جانب سے انہیں مختلف مشورے بھی دیے جا رہے ہیں۔

قومی ٹیم کے سابق کپتان شاہد آفریدی نے بابر اعظم کو مشورہ دیتے ہوئے کہاکہ ورلڈ کپ کے دوران کپتان کی باڈی لینگویج جارحانہ ہونی چاہیے۔

اس کے علاوہ بھارت کے سابق کرکٹر گوتم گھمبیر نے پیشگوئی کی ہے کہ بابر اعظم ورلڈ کپ میں اپنی ٹیم کے لیے 3 سے 4 سینچریاں ضرور بنائے گا۔