میڈیا رپورٹس کے مطابق پاکستانی وفد وزیر مملکت برائے پیٹرولیم مصدق ملک کی سربراہی میں آذربائیجان پہنچا ہے۔ سیکرٹری پیٹرولیم محمد محمود بھی وفد میں شامل ہیں۔
ذرائع وزارت پیٹرولیم کا کہنا ہے کہ آذربائیجان سے تیل اور مائع قدرتی گیس (ایل این جی) کی ادھار پر خریداری کے لیے متعلقہ آذربائیجانی ہم منصب سے بات کی جائے گی۔
پاکستان آذربائیجان سے ماہانہ ایک ایل این جی کارگو خریدنا چاہتا ہے۔ پاکستانی حکام آذربائیجان کی ریاستی کمپنی سوکار سے مذاکرات کر رہے ہیں۔