اسلام آباد پولیس نے کہا ہے کہ وفاقی دارالحکومت کی مساجد میں کسی کو بھی رہائش کی اجازت نہیں ہے۔
اسلام آباد کیپیٹل پولیس کے ترجمان نے اپنے ایک جاری بیان میں کہا ہے کہ وفاقی پولیس کے انسداد انتہا پسندی یونٹ نے اس ضمن میں تمام مدارس سے رابطے مکمل کر لیے ہیں۔
مزید پڑھیں
ترجمان کیپیٹل پولیس نے مزید کہا کہ اجنبی افراد کو مساجد اور مدارس میں رہائش یا رات گزارنے کی اجازت نہیں دی جائے گی، پولیس اس حوالے سے پہلے بھی ہدایات جاری کر چکی ہے۔
انہوں نے کہا کہ تعلیمی ادارہ یا مدرسہ کھولنے کےلیے مجاز اداروں کی اجازت ضروری ہے، اسلام آباد پولیس اور ضلعی انتظامیہ قانون پر عمل کرنے والے علماء اور منتظمین کا شکریہ ادا کرتی ہے۔
