“آپ پیسے نہیں دیں گے آپ مہمان ہیں اور یہ پاکستان ہے”

اگر آپ پاکستان میں کسی کے مہمان ہیں تو سمجھ لیجیے کہ اب آپ ایک غیر معمولی مہمان نوازی کا لطف اٹھائیں گے۔ مہمان نوازی کا پاکستانی نظریہ مہمانوں کو کھانا کھلانے اور تفریح ​​فراہم کرنے سے کہیں زیادہ ہے اور اس میں مہمان کی حفاظت اور ضرورت پڑنے پر انہیں پناہ دینے کی ذمہ داری بھی شامل ہے یہی وجہ ہے کہ دنیا بھر میں پاکستانی قوم اپنی مہمان نوازی کی وجہ سے مشہور ہے۔

اسی مہمان نوازی کا ایک خوبصورت نظارہ اس وقت سماجی رابطوں کی ویب سائٹس پر خوب پسند کیا جا رہا ہے۔ ٹویٹر صارف فرید خان نے ایک ویڈیو شیئر کی ہے جس میں دیکھا جا سکتا ہے کہ ایک غیر ملکی سیاح ایک مقامی شہری کے ساتھ پھلوں کے ایک ٹھیلے سے کچھ پھل کھا تا ہے اور اس کے بعد وہ غیر ملکی سیاح رقم ادا کرنے کی کوشش کرتا دیکھائی دیتا ہے لیکن مقامی شہری اس کو رقم ادا کرنے سے منع کرتےہوئے کہتا ہے کہ “نہیں نہیں ، آپ پیسے نہیں دیں گے آپ مہمان ہیں اور یہ پاکستان ہے”۔

This is Pakistan 🇵🇰♥️pic.twitter.com/OwHFPajWut

— Farid Khan (@_FaridKhan) February 21, 2023

ویڈیو پر تبصرہ کرتے ہوئے ٹویٹر صارف نے لکھا ایسی مہمان نوازی اور کہاں ملے گی؟ جبکہ اسی حوالے سے گفتگو کرتے ہوئے ایک اور صارف نے ٹویٹ کی اور لکھا کہ ہاں یہ پاکستان ہے اور اس کرہ ارض پر سب سے مہمان نواز جگہ

Yeah this is Pakistan and specially Peshawar the most hospitable place on earth

— #BehindYouSkipper (@bajwa_doctrine) February 21, 2023

پاکستانی شہری کی اس مہمان نواز پر پڑوسی ملک کے شہری بھی تعریف کیے بنا نہیں رہ سکے ۔ انڈیا سے تعلق رکھنے والے ایک صارف مدن موہن نے لکھا کہ بہت اچھا قدم ۔ ایک بار سورو گنگولی بھی 2004 کے دورے کی کہانی سنا رہے تھے۔ وہ ایک دکان پر جوتا خریدنے گئے جب انہوں نے بل ادا کرنے کی کوشش کی تو دکاندار نے لینے سے انکار کر دیا۔ اس نے جوتے کے بدلے ایک پیسہ بھی نہیں لیا۔خدا دونوں ممالک کو امن و امان نصیب کرے۔

Very nice gesture. Once Saurav Ganguly was also narrating a story of 2004 tour. He went to a shop to buy a shoe. When he tried to pay the bill, the shopkeeper refused to accept. He didn’t take a single penny for the shoe. God may bless both the countries with peace.

— Madan Mohan Sharma (@mathsirmadan127) February 21, 2023

صارفین کا کہنا تھا کہ اکثر غیر ملکی سیاحوں کی ویڈیوز میں دیکھا جاتا ہے کہ پاکستانی شہری ان کی خوب خاطر تواضع کرتے ہیں یہی وجہ ہے کہ پاکستان میں موجود خوبصورت نظاروں کے ساتھ ساتھ پاکستانی قوم کی مہمان نوازی غیر ملکی سیاحوں کے لیے کشش کا باعث بنتی ہے۔