آئی سی سی مینز عالمی کپ 2023 کا دوسرا میچ اس وقت پاکستان اور نیدر لینڈز کے مابین جاری ہے۔ نیدر لینڈز نے ٹاس جیت کر پاکستان کو پہلے بیٹنگ کی دعوت دی اور پاکستان کی پوری ٹیم 286 رنز بنا کر آؤٹ ہو گئی ہے۔
بھارتی کرکٹ بورڈ (بی سی سی آئی) کا شمار دنیا کے امیر ترین بورڈز میں ہوتا ہے لیکن جب سے ورلڈ کپ شروع ہوا ہے آئے روز بی سی سی آئی کو بدانتظامی پر تنقید کا سامنا کرنا پڑ رہا ہے۔
آج پاکستان اور نیدر لینڈز کے خلاف میچ کے دوران اسکرین سے اسکور بورڈ گرافک غائب ہو گیا تو صارفین نے ایک بار پھر اپنی تنقید کا رخ بھارتی کرکٹ بورڈ کی طرف موڑ لیا۔ جہاں ایک طرف میچ کے دوران اسکور بورڈ گرافک غائب ہونے کی تصویر سوشل میڈیا پر وائرل ہے وہاں ہی راجیو گاندھی انٹرنیشل اسٹیدیم میں ہاتھ سے اسکور بورڈ تبدیل کرنے کی ایک تصویر بھی وائرل ہو رہی ہے۔
اس صورتحال سماجی رابطے کی ویب سائٹ ایکس پر اپنی پوسٹ میں تبصرہ کرتے ہوئے صحافی فہیم پٹیل نے لکھا کہ گزشتہ 5 اوورز سے اسکرین سے اسکور بورڈ غائب ہے مگر مکمل خاموشی ہے، ایسا تو کلب کرکٹ میں بھی نہیں ہوتا۔ بھارت نے یہ کیسی تیاری کی ورلڈ کپ کی؟ کم از کم مجھے تو ایسی توقعات نہیں تھیں۔
گزشتہ 5 اوورز سے اسکرین سے اسکور بورڈ غائب ہے مگر مکمل خاموشی ہے، ایسا تو کلب کرکٹ میں بھی نہیں ہوتا۔
پھر خالی میدان میں میچ کھیلا جارہا ہے اور میدان میں اسکور بورڈ بھی 1948 کا لگا ہوا ہے جس پر ہر بال پر دو لوگ ملکر اسکور تبدیل کررہے ہیں۔
بھارت نے یہ کیسی تیاری کی ورلڈ کپ کی؟… pic.twitter.com/rbHkuW0HwU
— Fahim Patel (@patelfahim) October 6, 2023
کمنٹری باکس میں بیٹھے رمیز راجہ نے اس صورتحال پر تبصرہ کرتے ہوئے کہا کہ ’یہ پاکستان کے ٹاپ آرڈر کی طرح ایک ٹیکنیکل مسئلہ ہے‘۔
Ramiz Raja said "Technical problems, bit like Pakistan top order". [As graphics are not shown on TV now] pic.twitter.com/xKggCfFuzM
— Johns. (@CricCrazyJohns) October 6, 2023
نعمان اشرف نے ایکس پر بی سی سی آئی کو تنقید کا نشانہ بناتے ہوئے کہا کہ بھارت کی نااہلی، حیدرآباد اسٹیڈیم میں ڈیجیٹل اسکوربورڈ 10اوورز تک بند رہا۔ 14 ویں اوورمیں چھٹی گیند ہی نہ ہوئی،بولر 05 گیندیں کراکر چلا گیا، کسی کو پتہ بھی نہ چلا۔
بھارت کی نااہلی، حیدرآباد اسٹیڈیم میں ڈیجیٹل اسکوربورڈ 10اوورز تک بند رہا۔۔چودہویں اوورمیں چھٹی گیند ہی نہ ہوئی،بالر پانچ گیندیں کراکر چلا گیا، کسی کو پتہ بھی نہ چلا۔۔۔۔#PAKvsNED
— Nouman Ashraf (@Nouman_006) October 6, 2023
بی سی سی آئی کو سب سے پہلے اس وقت تنقید کا نشانہ بنایا گیا جب سیکورٹی خدشات کے باعث عالمی کپ کی افتتاحی تقریب کو منسوخ کیا گیا۔ رنگا رنگ افتتاحی تقریب بھارت کے مقامی وقت کے مطابق شام ساڑھے 6 بجے شروع ہونا تھی، جس میں بالی ووڈ کے نامور گلوکار و اداکاروں کو شرکت طے تھی۔
اس کے بعد جب عالمی کپ 2023 کا پہلا میچ شروع ہوا تو دنیا کے سب سے بڑے اسٹیڈیم ’نریندرا مودی کرکٹ اسٹیڈیم‘ مین تماشائیوں کی تعداد نہ ہونے کے برابر تھی۔
The cricket World Cup has started and the stadium is empty on the first match itself.
Modi and Shah are ruining India while Jay Shah is destroying Indian cricket. pic.twitter.com/hNZFWSSK1p
— Shantanu (@shaandelhite) October 5, 2023
نریندرا مودی کرکٹ اسٹیڈیم کی کرسیوں کی گندی حالت کو دیکھ کر بھی شائقین کرکٹ سماجی رابطے کی ویب سائٹس پر تنقید کا نشانہ بناتے نظر آئے۔
