ورلڈ کپ کے بھارت کے انتظامات کا پول آئے روز کُھلتا جا رہا ہے۔ کبھی میچ تاخیر کا شکار ہیں، کبھی فلڈ لائٹس بند ہو جاتی ہیں تو کبھی اسکرین سے اسکور بورڈ گرافک غائب ہو جاتا ہے۔ میچ دیکھنے کے لیے آنے والے شائقین کرکٹ کو پرندوں کے فضلے سے بھری ہوئی کرسیوں پر بیٹھنے کو کہا جاتا ہے، پاکستانی شائقین کرکٹ کو ویزے نہیں دیے جاتے۔ جبکہ میچز کے لیے پچز کی تیاری بھی ایک بڑا سوالیہ نشان ہے۔
یہی وجہ ہے کہ بھارتی کرکٹ بورڈ (جو کہ دنیا کا امیر ترین بورڈ ہے) آئی سی سی کے سب سے بڑے ٹورنامنٹ میں ناقص انتظامات پر سخت تنقید کا نشانہ بن رہا ہے۔
گزشتہ روز حیدرآباد میں نیدرلینڈز کے خلاف میچ سے قبل کیوی کھلاڑی گلین فلپس کی پریس کانفرنس کے دوران بجلی بند ہوگئی۔ جب لائٹس بند ہو گئیں تو ٹیم انتظامیہ کے ایک رکن نے موبائل کی فلیش لائٹ کھولی جس کے بعد پریس کانفرنس فلیش لائٹ میں جاری رہی۔
کرکٹ شائقین سماجی رابطے کی ویب سائٹس پربھارت میں ورلڈ کپ کے لیے ناقص انتظامات کو سخت تنقید کا نشانہ بنا رہے ہیں ۔
اسپورٹس جرنلسٹ فرید خان نے ایکس پر اپنی پوسٹ میں لکھا کہ ’کینڈل لائٹ ڈنر تو سنا تھا آج کینڈل لائٹ پریس کانفرنس بھی دیکھ لی‘۔
Candle light dinner suna tha, aaj Hyderabad mein candle light press conference bhi dekh li. BCCI 😂😂🙏🏼🙏🏼 #CWC23 #WorldCup2023
— Farid Khan (@_FaridKhan) October 8, 2023
ایک اور صارف صدام رانا نے صورتحال پر تبصرہ کرتے ہوئے لکھا کہ فلیٹ پچز، خالی گراؤنڈ، ناقص انتظامات، پاکستانی شائقین کو ویزے نہیں دیے گئے۔
Flat pitches, khali ground, management poor, fans visa not approved, or ab ya light
— Sadam rana (@Sadamrana10) October 8, 2023
سمیع اللہ حبیب نے ایکس پر پوسٹ کی اور کہا کہ حسن علی وہاں موجود ہیں، بی سی سی آئی ان سے جنریٹر چلانے کی درخواست کر سکتا ہے۔
Even Hassan Ali is there, they can request him to start a generator 🤣😂
— Samiullah Habib (@Samikhan1982) October 8, 2023
ایکس پر موجود ایک اور صارف نے لکھا کہ باتیں کروڑوں کی، دکان پکوڑوں کی۔
Baatein croron ki dukaan pakora ki ..BCCI 😂
— Hizzam Abbasi (@Hizzam01) October 9, 2023
دوسری جانب بھارت اور آسٹریلیا کے درمیان میچ کے دوران بھارتی ٹیم کی شرٹ پہنے برطانوی یوٹیوبر ڈینیئل جاروس نے کھیل کے دوران میدان میں داخل ہوکر اسٹیڈیم میں موجود 30 ہزار سے زائد تماشائیوں کو حیران کردیا۔ سکیورٹی اہلکاروں کی جانب سے ڈینیئل جاروس کو لے جانے سے قبل کوہلی جاروس سے بات کرتے نظر آئے تھے۔
Breaking : Tamil Nadu Police likely to arrest UK National Daniel Jarvis aka Jarvo for invading the field multiple times and posing security issues ( Chennai Daily) pic.twitter.com/Jb1myKHmYD
— Jammu Tribune (@JammuParivartan) October 8, 2023
آئی سی سی کا کہنا ہے کہ ایسا دوبارہ ہونے سے روکنے کے لیے اضافی حفاظتی اقدامات کی ضرورت پڑی تو وہ اس پر غور کریں گے۔
متعلقہ شخص پر ایونٹ میں مزید کسی بھی کھیل میں شرکت کرنے پر پابندی عائد کردی گئی ہے۔ یہ معاملہ بھارتی حکام کے ہاتھ میں ہے۔ جاروس 2021 میں بھارت کے خلاف انگلینڈ کی ہوم ٹیسٹ سیریز کے دوران تین بار میدان میں اتر چکے ہیں۔
