مسلم لیگ (ن) کی چیف آرگنائزر مریم نواز کے بیٹے جنید صفدرنے عائشہ کو طلاق دے دی، جنید صفدر نے تصدیق کر دی۔
جنید صفدر نے اپنی انسٹاگرام اسٹوری میں بتایا ہے کہ ’میری طلاق سے متعلق خبر درست ہے لیکن میں میڈیا سے درخواست کرتا ہوں کہ میڈیا ہماری پرائیویسی کا خیال رکھے۔
جنید صفدر نے لکھا کہ ’مجھے امید ہے کہ اس فیصلے سے ہم دونوں کو سکون ملے گا، انشاء اللہ، میں اس معاملے پر مزید کچھ نہیں کہوں گا۔
جنید صفدر نے اپنی پوسٹ میں اپنی سابقہ اہلیہ عائشہ کے لیے بھی نیک تمناؤں کا اظہار کیا ہے۔
واضح رہے کہ جنید صفدر اور عائشہ کا نکاح اگست 2021 میں لندن کے لینزبرا ہوٹل میں ہوا تھا، ان کی شادی کی تقریبات دسمبر میں پاکستان میں ہوئی تھیں۔
یہاں یہ بات بھی قابل ذکر ہے کہ جنید صفدر کی سابقہ اہلیہ عائشہ معروف بزنس مین سیف الرحمان کی صاحبزادی ہیں جو ان دنوں قطر میں مقیم ہیں۔
بات کی جائے سیف الرحمان اور شریف خاندان کے تعلقات کی تو دونوں خاندانوں کے درمیان بڑے قریبی تعلقات ہیں، سابق وزیر اعظم نواز شریف نے اپنے دوسرے دور حکومت میں سیف الرحمان کو قومی احتساب بیورو (نیب) کا چیئرمین بھی مقرر کیا تھا۔
