محکمہ موسمیات کے مطابق اسلام آباد، خیبر پختونخوا، بالائی پنجاب، گلگت بلتستان اور کشمیر میں آندھی اور گرج چمک کے ساتھ بارش کا امکان ہے۔
محکمہ موسمیات کی جانب سے جاری بیان میں کہا گیا ہے کہ آئندہ 24 گھنٹوں کے دوران اسلام آباد، خیبر پختونخوا، بالائی پنجاب، گلگت بلتستان اور کشمیر میں آندھی اور گرج چمک کے ساتھ بارش جبکہ بلند پہاڑوں پر برف باری اورمیدانی علاقوں میں بعض مقامات پر ژالہ باری کا بھی امکان ہے۔
اس دوران کشمیر، گلگت بلتستان ، بالائی خیبر پختونخوا اور بالائی خیبرپختونخوا میں موسلادھار بارش کی بھی توقع ہے۔ ملک کے دیگرعلاقوں میں موسم خشک رہے گا۔
محکمہ موسمیات کے مطابق گذشتہ 24 گھنٹوں کے دوران بالائی پنجاب، خیبر پختونخوا، اسلام آباد، کشمیر اور گلگت بلتستان میں گرج چمک کے ساتھ بارش ہوئی جبکہ ملک کے دیگر علاقوں میں موسم خشک رہا ہے۔
ہفتہ کے روز نارووال 53، منگلہ 36، چکوال 31، جہلم30، منڈی بہاؤالدین 24، سیالکوٹ( سٹی 13،ائیر پورٹ 10)، اٹک 7، گجرات 5، گوجرانوالہ 3، اسلام آباد (زیرو پوائنٹ2، ائیر پورٹ، بوکرہ ایک)، راولپنڈی (چکلالہ 2، شمس آباد، کچہری ایک)، مری 2،چیراٹ 52، پٹن 31، مردان 17، بنوں13، پشاور (سٹی 8، ائیر پورٹ2)، کاکول، سیدو شریف 5، کالام ، مالم جبہ 4، بالائی دیر3، باچا خا ن ائیر پورٹ 2، میر کھان ایک، بابو سر 15، استور 10، بگروٹ 4، چلاس 3، بونجی ، اسکردو ایک، کوٹلی ،گڑھی دوپٹہ 6، مظفر آباد(سٹی 6، ائیر پورٹ5) اور راولاکوٹ میں 4 ملی میٹر بارش ریکارڈ کی گئی۔
ہفتہ کو ریکارڈکیےگئےزیا دہ سے زیادہ درجہ حرارت کی رپورٹ کے مطابق سبی، دادو اورشہید بینظیرآ باد میں درجہ حرارت 40ڈگری سینٹی گریڈریکارڈ کیا گیا ہے۔
محکمہ موسمیات نے متنبہ کیا ہے کہ ہفتہ سے منگل کے دوران تیز، موسلادھار بارش کے باعث مقامی ندی نالوں میں پانی کے بہاؤ میں اضافے جبکہ مری،گلیات کشمیر، گلگت بلتستان ، چترال، دیر، سوات، کوہستان، شانگلہ، بونیر، مانسہرہ اور ایبٹ آباد میں لینڈ سلائیڈنگ کا بھی خطرہ ہے۔
